Sawal la giled’a 25:11 - Bible azumeina

¹¹ Ma didina, yam simiyêngû, ang vat hurung ngei yam tcho manda, kayam ti ngola heî.

Sawal la giled’a 25:11 Referans Kwoze

Sawal la giled’a 79:9

Alo mami ma suta, yam subur manga, ang mbeï ndjunumiya; yam simiyêngû, ang prud’umi woyo, ang vat hurung ngei yam tcho mamid’a mi.

1 Jean 2:12

Grona, an nga ni b’irigi kayam Alona mi vat hurum mbei yam tcho magid’a yam simiyê Christ da’.

Sawal la giled’a 31:3

Ang tin humang humunu, ang mbeï atogo ndjununu, ang mbut nahina man nda ngei tanda, ang mbut ni gulumun ma ad’eng ma sud’una.

Isai 43:25

Ni an ba, nga ni has tcho magid’a woi yam o man nda kagid’a, an mba ni djib’er yam tcho magid’a bugol luo d’a.

Romê-na 5:15

Wani he d’a hawad’a hAlonid’a ti nga ni d’igi tchila d’a Adam mi tchilata na d’i. Le suma ablaud’a a bo ni yam tchilad’a hi sama tunid’a ni, kal pet sumad’a ki he d’a hawad’a hAlona d’a yam sama tu ma a yum ala Jesus Christ-sâ a mba zul ngola kazi kal mi.

Ezekiyel 36:22

Kayam ndata, ang de mi Israel-lâ ala: Ma didina mi dala: Ni kayam agi Israel-lâ ba, an lahle ndazina d’i, wani ni kayam simiyên Ma bei tchod’a ma agi mbud’um ndjendjed’a aduk andjaf suma ding suma agi igi kuana.

Ezekiyel 20:9

Wani an le nga hina d’i, kayambala ar azi mbud’un simiyên vama ndjendjed’a ir andjaf suma azi nga kaka adigazina d’uo d’a, azi sumala ni glangâsâ yam vun ma hle ma an hlum ala an mba ni buzuguzï woi kur ambas sa Ezipte-d’a na.

Isai 48:9

Wani ni kayam simiyên ba, an d’el vun ayî mana; ni yam gile d’a ndak kan á giled’id’a ba, an ve tan kagi tala an dabagi woi d’uo d’a.

Sawal la giled’a 109:21

Wani Ma didina Alo mana, yam simiyêngû, ang ndjun kanu; yam o mang nga ngola, ang ndjununu!

Sawal la giled’a 143:11

Ma didina, yam simiyêngû, ang sud’unu; yam d’ingêr manga, ang pad’an ndei kur ndaka.

Buzuk ka Abud’a 34:7

An ni ma nga ni ngom djivi man nda ki sumid’a gak kur atchogoi d’a dubud’ina, an ni ma nga ni vat hurun ndei yam tchilad’a, yam tchi matna, yam tcho d’a led’a hi sanid’a, wani an ni ma nga ni ar sama le tchod’a bei ka sariyad’a kam mbuo na, an ni ma nga ni ngop grod’a yam tchod’a habuyozid’ina, an ni ma nga ni ngop grozi ngolona gak kur atchogoi d’a hindid’a ki d’a fid’id’ina mi.

Jeremi 14:7

Suma Juda-na a dala: Ma didina, le tchila mamid’a nga d’i tchugumi zlad’a kami pî, ang le va yam simiyêngû, kayam tcha tata mamid’a ti zul heî, ami lami tchod’a avorong mi.