Sawal la giled’a 22:16 - Bible azumeina

¹⁶ Delen nda horzlomba ti so kaka d’igi lubu ma ab’lorina na, sinan b’al akulo ata d’id’iganu, ang aran kä aduk guguma d’igi sama matna na.

Sawal la giled’a 22:16 Referans Kwoze

Jean 19:37

Zla d’a b’ir ra dinga hAlonid’a ti de kua ala: Azi mba mbut irazi yam ma azi tchogoma.

Matiye 27:35

Bugola, a b’alam akulo ata aguna, a b’rau baru mama aduk taziya, a tum gumara kad’u.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Jean 20:25

Kayam ndata, suma hat suma hiuna a dum ala: Ami wami Salad’a. Wani mi dazi ala: Le an gol mbil ponde ma aboma d’uo, ni nik tchitchid’an balum pondena d’uo, ni kal abon fefed’em mbuo mi ni, an nga ni he gagazid’a d’i.

Jean 19:23

Kid’a azigarâ a b’al Jesus dad’a, a yo baru mama, a b’rawam aduk fid’i, azigar ma lara pî ki mama ki mama. A yo baru mam mba ngola bei dupid’a, a tchilit ni tchila, ei akulo kelem dei gak mba kä asemu.

Marik 15:24

A b’alam akulo ata aguna, a b’rau baru mamba abo taziya, a tum gumara kad’u.

Jean 19:34

Wani ma dingâ aduk azigarâ, mi tchogom fefed’em kasapa. Ata yi máma na wat, buzuna ki mbina a djang ngeyo.

Wana ni Zla d’a Djivi d’a Luc mi b’irita 23:33

Kid’a azi mbaza ata yima a yum ala Asok yamba na, a b’alam akulo ata yi máma ki suma tcho ndazina, tu ata bigam mba ndjufa, tu ata bigam mba gulad’a mi.

Filip-ma 3:2

Agi gologi tagi djivi kadureina; azi ni suma le sun nda tchod’a, azi ni suma ngat bayâ suma ka zlad’a.

Wana ni Zla d’a Djivi d’a Luc mi b’irita 23:23

Wani azi de ki delezi akulo ala: B’alam akulo ata aguna. Siwel mazid’a kal kamu.

Isai 53:5

Wani mi fe mbilâ yam tcho meid’a, a mired’emî yam tchila meid’a. Ni to d’a a tomba ba, ti mbeï ki b’leng nga halasa; ni kayam duru mamba ba, ei fei ki suta.

Sawal la giled’a 22:20

Wani Ma didina, ar ang wal lei dei ki sed’en ndi; angî ad’eng manda, ang mbei atogo ndjununu.

Sawal la giled’a 22:1

Ni sawal la David mi hlat mi hat mi ma ngolâ hi suma hle sawalina.

Jean 20:27

Bugola, mi de mi Toma ala: Ang mad’ï tchitchid’angû, golon abonu. Ang mad’ï abongû, kalam ata fefed’enu. Ang kak bei he gagazid’a d’i, wani ang he gagazid’a.

Sawal la giled’a 59:6

Ma didina, Alo ma ad’engêng kal petna, Alona hi Israel-lîna, ang tchol akulo, ang mbeï dur andjaf sum ndazina pet, ang we hohowa suma asa’at suma mbut ir ndazina d’i. Tchol ndjö

Vama ndum mbeina 22:15

Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.

Sawal la giled’a 86:14

Alo mana, suma yam mba ad’enga a nga halan ki zlad’a, suma asa’atna a tok tazi kan á tchanu. Azi ni suma va mi ndolozi nga ki ang nguo na.

Matiye 26:57

Suma a ve Jesus-na, a i ki sed’em hur azina hi ma ngol ma ngat buzunina Kayif, ata yima suma hat gata azi ki suma nglona a nga toka kuana.

Matiye 7:6

Ar agi hagi vama a tinim iram vam mAlonina madureina d’i. Ar agi tchugugi hed’eu magina kä avok kozongâ d’uo mi, dam azi mired’em kä kaseziya, a mba hulong hôgi mbilâ.

Jeremi 12:6

Kayam b’oziyongâ tazid’a ki suma habungâ a nga mbud’ung irang a nga er ad’uzi akulo ad’ung mi. A le nga dang zla d’a djivid’a pî, ang he gagazid’a kazi d’i.

Sawal la giled’a 59:14

Ang dabazi woi kayî mangâ, ang dabazi woyo, ang ar sa tu d’i; ar azi wala angî Alo ma nga mi te yam Israel-lâ gak dabid’a handagad’ina na mi. Tchol ndjö

Sawal la giled’a 38:11

Vunadigan nga d’i tumun ngola, ad’engên nga d’i, iran nga d’i we d’uo mi.