Sawal la giled’a 2:7 - Bible azumeina

⁷ An min tak gat ta Ma didina mi tinita woi abua. Mi dan ala: Angî gorona! An vud’ung wa ini.

Sawal la giled’a 2:7 Referans Kwoze

Hebre-na 5:5

Hina mi, Christ mi subur nga tam á mbut ma ngol ma ngat buzuna yam tam mbi, wani Alona mi de woi kam ala: Angî Gorona, an vud’ung ini.

Sunda hi suma a sunuzinid’a 13:33

Kid’a Alona mi tchol Jesus akulo aduk suma matnid’a, mi ndagat vunat mi ei grozi ngolona. D’igi a b’ir kur Sawal la Gile d’a mbàd’a na ala: Angî Gorona, an vud’ung wa ini.

Matiye 3:17

Dela ti tcholï akulo, ti dala: Wana ni Goron ma an hurun vum heîna, ni ma tan ndi lan djivid’a heî kama.

Matiye 17:5

Kid’a nga mi de zla ndata tua d’a, d’ugula ti b’o ti kulubuziya, dela ti ndeï kur d’ugula, ti dala: Wana ni Goron ma an hurun vum heîna, ni ma tan ndi lan djivid’a heî kama; agi humugiziya.

Sawal la giled’a 89:27

Mam mba mi yan ala: Angî abunu! Alo mana, angî ahina d’a sud’unda!

Romê-na 1:4

ni ma Muzuk ma bei tchod’a ba na mi de woi kam kad’enga ala mam mi Alona Goroma ata yima mi tcholom akulo aduk suma matnina, ni Jesus Christ Saleina.

Jean 3:16

Kayam Alona mi le od’a yam suma kur duniyad’a heî, gak mi he Gorom ma tu gid’engâ kaziya, kayam sama lara pî ma he gagazid’a kama, mba mi ba woi d’i, wani mi nga kari d’a didinda.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Hebre-na 3:6

Wani Christ ni Ma d’engzengâ, ni Gor ma Alona mi tinim yam gong mambina. Le ei nga vei tei ad’enga ngingring, le ei dengeî tei yam hur mei ma tinda ni, ei ni gong ndata.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

Hebre-na 5:8

Kayam mam mi Goroma pî, mi hat á ge yam kä kur ahle suma mam fe ndaka kuana.

Matiye 8:29

Wani sum ndazina a er ad’uzi akulo, a dum ala: Vama mi ndolong ki ami ni me ge? Ang Alona Goroma, ang mba ka hî á lami ndaka bei yina ndak su?

Isai 46:10

An nga ni de woi kad’u tinda dei yam vama nga mi mbana, an nga ni de woi avok dei yam vama nga bei mbad’a tua na mi. Nga hur mana mba mi le djivid’a, an mba ni ndak vun ahle suma an nga hurun kazina pet mi.

Sawal la giled’a 148:6

Mi tinigi á kak teteu gak didin, mi tin gat ta a nga tchila kat tuo d’a mi.

Wana ni mbaktumba hi Job-pa 23:13

Vama mam dala: Le ni hina na, ni nge ba, mi ndak á d’elem ge? Vama mam hurum vum á luma, mi nga mi lumu.

Sunda hi suma a sunuzinid’a 8:36

Kid’a azi nga kur lovota tua d’a, a mbaza avun huruguka. Adimbang mi dum ala: Ang gol mbina wana: Vama d’elen bei le batemba ni me ge? [

2 Samuel 7:14

An tanda mba ni ka’î abumu, mam tamba mba mi ka’î gorona. Le mi le tchod’a ni, an mba ni gad’am ki totogod’a hi sumid’a, an mba ni tom d’igi suma a to grozina na.