Sawal la giled’a 19:8 - Bible azumeina

⁸ Gata hi Ma didinid’a ti ndak memet, ti nga d’i had’enga mi sana á kak karid’a; glangâsâ hi Ma didinina ni ma gagazina, nga mi mbut sama bei ned’a sama ned’a mi;

Sawal la giled’a 19:8 Referans Kwoze

Sawal la giled’a 12:6

Ma didina mi dala: Ki tchetchemba, an nga ni tchol akulo á sut suma suma a nga golozi isâ, kayam a nga las suma hohoud’a, suma houd’a a nga zam tazi mi.

Sawal la giled’a 119:105

Zla manga ni lalam mba b’o yina avoronda, naku d’a b’o hur lovot mandid’a mi.

Jeremi 15:16

Ma didina Alo ma ad’engêng kal petna, ata yima an fe zla mangina, an tad’u. Zla manga ti mbut hur ma hapma ki furîd’a kurunu, kayam a nga yan ki simiyêngû.

Zla d’a d’ogolâ 30:5

Zlad’a hAlonid’a pet ni zla d’a ndak memeta. Mam mi mbareid’a hi suma a ngei tazi atama.

Sawal la giled’a 119:128

An gol gat manga pet ni d’ingêr. Ni kayam ndat ba, an nga ni noî zla d’a kad’a woi pet wana.

Zla d’a d’ogolâ 2:6

Kayam ni Ma didina ba, nga mi he ned’a; wed’a ki zla d’a irata a buzugï navunam mi.

Sawal la giled’a 119:92

Ladjï gat manga ni furî manda d’uo ni, an ba wa woi kur ndak manda.

Sawal la giled’a 119:80

Ar an kak d’ingêr á tit yam gat manga, kayam an mbut zulona avorong ngi.

Zla d’a d’ogolâ 6:23

Kayam vun ma hed’a ni lalamba, hata ni b’od’a, ngopa á hata ni lovot ta suta.

Romê-na 7:22

An tan nga ni le furîd’a kurun krovo yam gata hAlonid’a.

Galat-na 2:19

Kayam zlad’a hi gatid’a, an mit wa woi kurud’u, kayam an kak karid’a yam Alona. An mit wa akulo ata agu ma b’ala zlapa tu ki Christ.

Romê-na 3:20

Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.

Romê-na 7:7

Kayam ndata, ei mba dei nana ge? Gata ni tchod’a zu? Nga na d’i! Wani gata ti tagan tcho manda. Ladjï gata ti dala: Ang le d’od’oka d’i d’uo ni, an ndak á we d’od’oka d’i.

Sawal la giled’a 119:16

An nga ni le furîd’a yam gat manga, an nga ni mar yam zla manga d’i.

Sawal la giled’a 119:14

An mba ni le furîd’a yam tit ta ni tit yam gat mangid’a d’igi an nga ni kahle suma ndjondjoîna na.

Ezekiyel 36:27

An mba ni hagi Muzuk mana kurugiya, an mba ni mbud’ugi suma tid’igi yam gat manda suma ngomogi vun man ma hed’ina mi.

Sawal la giled’a 119:171

Ar an de woi ki vunan yam subur manga, kayam ang nga had’an gat manga.

Sawal la giled’a 119:143

An nga kur ndaka ki djop vuna, wani vun mang ma hed’a nga mi lan tan djivid’a.

Sawal la giled’a 119:130

Ndäd’u zla mang nga woid’a nga d’i b’o yina, nga d’i he d’alâ mi suma bei wäd’u zlad’ina mi.

Sawal la giled’a 119:121

An nga ni le sun nda d’ingêr ra irata; ar ang han abo suma a nga djobon vunana d’i.

Sawal la giled’a 119:40

Gola! Tan nga d’i lan djivid’a yam gat manga, ang han arid’a yam d’ingêr manga mi.

Sawal la giled’a 119:12

Ma didina, an nga ni suburungû! Ang had’an gat manga.

Sawal la giled’a 105:45

kayambala azi mba ngom vun mam ma hed’a a tin irazi yam gat mamba mi d’a. Agi gilegi Ma didina!

Sawal la giled’a 40:8

Kayam ndata, an dala: An wana! An mba wa ki mbaktum mba d’ut ta a b’irit kanda.

Sawal la giled’a 13:3

An mba ni yor tan hina gagak mindja ge? An mba ni kak kur djib’era burâ ki burâ hina gagak mindja ge? Man ma djangûna mba mi tchol akulo á kus kan hina gagak mindja ge?

Buzuk ka Abud’a 18:16

Le zlad’a mba adigaziya ni, azi mba avoronu; an kazizi irat teyo, an tagazi vun ma hed’a hAlonina ki gat mamba mi.

Ad’u Tinda 26:5

kayam Abraham mi humun vunanu, mi ge yam kä ad’u zla manda ki vun ma he mana ki zla man nda an dumzid’a ki gat manda mi.

Galat-na 3:21

Na ni gata nga d’i kak djangûna ki vun ma hled’a hAlonina zu? Nga na d’i! Le gat ta Alona mi hat adjeud’a ndak á he arid’a mi suma ni, sana mi ndak á mbut d’ingêr avok Alona yam ngom mba mi ngom gata mi.

Isai 64:5

Ami pet mbud’umi ni d’igi vama ndjendjed’a na, sun mami d’a d’ingêra pet ti mbut ni d’igi baru ma zozota na, ami pet nga yagami woi d’igi hum aguna mi yak kei na, tcho mamid’a nga d’i felemi woi d’igi simetna nga mi fel ahlena woi na mi.

Sawal la giled’a 119:54

Gat manga ti mbut ni sawal man nda hled’a kur azì ma an nga mbeid’a kuana.

Sawal la giled’a 119:24

Vun mang ma hed’a ni furî manda; ni mam ba, mi dan d’alâ.

Nehemi 9:13

Ang tchuk aseng kä yam ahina d’a Sinai-d’a, ang dazi zlad’a ei akulo, ang hazi gat ta d’ingêra, hat ta gagazid’a ki vun ma he ma djivi ma kal teglesâ mi.

Nehemi 8:12

Suma pet a i á ted’a á tched’a, a sun hliuna mi suma, a le furîd’a ngola, kayam azi wäd’u zla d’a azi vazizi ad’ut teid’a.

Gat ta a hat á mbàd’id’a 16:14

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi-na kangeina ki ma hokuyod’a katcha d’a modonod’a suma a mba kak avo hatagina, agi lagi furîd’a kur vun til máma.

Gat ta a hat á mbàd’id’a 16:11

Agi ki grogi suma andjofâ ki grogi suma aropma kazungeî magina ki yugunei magina ki ma hi Levi ma mba mi kak avo hatagina zlapa kangeina ki ma hokuyod’a katcha d’a modonod’a suma a mba kak adigagina, agi lagi furîd’a avok Ma didina Alo magina ata yima mam mi manam á kak kuana.

2 Amuleina 17:37

Ar agi gagi yagi kä ad’u gat manda, ad’u vun mam ma he ma an b’irigizi kur mbaktumba tetengâ, ar agi tid’igi kazi tala agi lagi mandara alo ma ding nguo d’a.

Sawal la giled’a 93:5

Ma didina, vun mang ma hed’a mi ndak memet, ar ang tin gong manga irat vat gak didin.

Sawal la giled’a 111:7

Sun nda mi lat kabomba ni gagazid’a ki d’ingêra; vun mam ma hed’a pet ni ma sana mi ndak á tin hurum kama,