Sawal la giled’a 19:12 - Bible azumeina

¹² Ma didina, ni vun mang ma hed’a ba, nga mi had’an an azong mangâ; sama nga mi tit kama, nga mi fe wurak ka ngola kua.

Sawal la giled’a 19:12 Referans Kwoze

Sawal la giled’a 90:8

Tcho mamid’a nga ni tinda pid’ak kei avorongû, zla mami d’a gumunda, ang wat tei kur b’o manga mi.

Wana ni mbaktumba hi Job-pa 6:24

Agi had’anu, an mba ni kak tchugot. Agi simad’an lovot ta an vit tei kura.

Jeremi 17:9

Vama mbut ira d’igi hur sana na na nga d’i. Sana mi ndak á minim mbi, sana mi ndak á wum ad’um mbuo mi.

Sawal la giled’a 40:12

Ma didina, ang mba ar bei wan hohowon ndi, kayam o mang nga didinda ki gagazi manga a mba ngomon teteu.

1 Korente-na 4:4

Kayam an we tetet ala zla nga kan ndi, wani ni kayam ndata ba, an ni ma bei zlad’a kana d’i. Salad’a ni sama kan sariya kana.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

Hebre-na 9:7

Wani ni ma ngol ma ngat buzuna hol ba, mi kal kur zlub’u d’a mbàd’a yam tu kur bizad’a. Mi kalî ki buzu ma mam ngad’am yam tcho mambina, yam tchod’a hi suma d’a a lat kur vitid’a mi.

Sawal la giled’a 139:6

We ndata ni we d’a ndandal la kal kanda; ti sä nakulo dei; an ndak á wat ad’ut ti.

Isai 64:6

Sama mi yang simiyêng ma mi tchol akulo á reî ki sed’engâ nga d’i. Ang ngei tang ngei iramiya, ang arami ami pugumi kä kur tcho mamid’a yam tchila mamid’a.

Sawal la giled’a 139:2

Ata yima an kaka kä na, ang nga wanu; ata yima an nga ni tchol akulona, ang nga wan mi. Ang nga we djib’er manda ei akulo dei.

Sawal la giled’a 51:2

Mi hlat ni kid’a Natan ma djok vun Alona mi i atam bugol la mi le mizeuna ki Batseba-d’a.

Sawal la giled’a 65:3

Ang ma nga hum tchendina, suma pet a mba mba atangû.

Buzuk ka Abud’a 24:12

Ma didina mi de mi Moise ala: Ang djagï akulo geven ka hî yam ahinad’a, ang kak kua. An mba ni hang ahina d’a bebed’e d’a tchet ta an b’ir gata ki vun ma hed’a kuad’a, kayam ang had’aziziya.

Gat ta a hat á mbàd’id’a 5:29

Djiviya! Ladjï huruzi nga ni tinda kan hina teteu á ringîn mandaran á ngom gat manda mi ni, azi ki grozina a mba ka’î ki djivid’a teteu.

Gat ta a hat á mbàd’id’a 5:32

Agi ngomogiziya, agi tid’igi yam vama Ma didina Alo magina mi hagi vuna kama. Agi d’ezegi woi abo ma ndjuf fuo mi na, abo ma gula d’uo mi.

Zla d’a d’ogolâ 13:13

Sama mi gol gata isâ mba fe ndaka, wani sama le mandara vun ma hed’ina, mba mi fe wuraka.