Sawal la giled’a 18:32 - Bible azumeina

³² Alo ma iratna ni nge? Ni Ma didina. Ahina d’a irata ni nge? NAlo meina.

Sawal la giled’a 18:32 Referans Kwoze

2 Korente-na 3:5

Ami ndak á lami va yam tami d’i, wani ad’eng mamid’a ti tcholï nata Alona.

Isai 45:5

An ni Ma didina, ma ding nga d’i. Alo ma ding nga woi keng vam mbi, ni an tu. An djining ad’enga atang d’igi sana mi djin d’i’â furum na avok bei ang wan ba,

Sawal la giled’a 28:7

Ma didina nad’eng manda, ni mbarei manda; an tin hurun ni yam mamu, mi nga mi ndjununu. Kayam ndata, an nga ni le furîd’a, an nga ni gilem ki sawal manda mi.

2 Samuel 22:33

Alona ni gulumun man ma ad’eng ma ngunguna, ni ma nga mi minin lovota avorona.

Sawal la giled’a 91:2

Mi ndak á de mi Ma didina ala: Angî yi man ma ngeid’a, angî gulumun ma sud’una, angî Alo man ma an tin hurun kangâ.

Sawal la giled’a 93:1

Ma didina namul ma ngolâ, mi tchuk subura atam d’igi barud’a na, mi djin ad’enga furum d’igi d’i’â na. Ni kayam ndata ba, duniyad’a nga kaka ngingring, nga d’i giget tuo ni na.

1 Samuel 19:8

Ayîna mi tchol tchol la dinga. David mi ndabu á dur ayîna ki Filistê-na, mi kus kaziya, mi tchazi ngola; a ring avoromu.

Isai 44:8

Ar agi lagi mandar ri, ar agi zlagagi d’uo mi. An dagi yam ahle ndazina avok kuo zu? An dagizi woi avok mi d’uo zu? Agi ni glangâs mana. Alo ma ding nga woi keng vam zu? Ahina d’a ngom ta d’a ding nga d’i, an wat nga d’uo mi.