Sawal la giled’a 18:20 - Bible azumeina

²⁰ Mi ndan ndei ata yima tchona, mi gan akulo, kayam hurum vanu.

Sawal la giled’a 18:20 Referans Kwoze

Sawal la giled’a 24:4

Ni sama abom nga mi do vama tcho d’uo na, ni sama hurum yed’etna, ni sama nga mi he tam yam ahle suma hawa ya’â d’uo na, ni sama bei gun tam ir gurzula ba na.

1 Korente-na 3:8

Sama ped’a ki ma vo mbina, azi ni tu. Nge nge pî, Alona mba mi wuragam yam sun mam mba mi lata.

Matiye 6:4

Ar he d’a hawa manga ka’î ngeid’a. Abung ma nga mi wahle suma ang nga hazi gumuna, mba mi wuragangû.

Zla d’a d’ogolâ 11:18

Sama asa’atna mi fe ni mbiyo ma mbut ira, wani sama nga mi zar d’ingêrîna, mi fe ni wurak ka gagazid’a.

Sawal la giled’a 58:11

Wani sama d’ingêrâ mba mi hel sanda kur bur ma ang mba hlatchugulina, mba mi tit aduk buzuna hi suma asa’atnina.

Hebre-na 7:26

Jesus ni Ma ngol ma ngat buzu ma ndak memet keina, ni Ma d’ingêrâ, ni Ma bei zlad’a kama, ni Ma bei le tchod’a ba na. Alona mi walam mbei ki suma le tchod’a, mi hlum sä kur akulod’a gevemu.

Isai 62:11

Gola! Ma didina nga mi de zla ndata woi yam andagad’a pet ala: Agi dagi mi suma Siyon-na ala: Gola! Magi ma suta nga mi djï ki wurak mamba abomu. Gola! Wurak ka yam sun mambid’a nga abom mi.

Isai 49:4

Wani an dala: An kau tan ni hawa; ni hawa hina yak ba, an nga ni dap ad’engên ndeyo; doli wani zla manda nabo Ma didina, wurak manda nabo Alo mana mi.

Wana ni mbaktumba hi Job-pa 22:30

Suma zlad’a kazina pî, mam mba mi sud’uzi woyo. Gagazi, mba mi sud’ung ngei ni yam abong ma bei do tchod’a ba na.

Sawal la giled’a 26:6

An mbuza wa abon ndei á tak kei ala zla nga kan ndi. Ma didina, an nga ni ngui yi mang ma ngal ahle suma ngat buzuna

Sawal la giled’a 18:24

An nga ki zla kan avorom mbi, an ngom tan ped’et bei le tchod’a.

Sawal la giled’a 7:8

Ar andjaf suma pet a tok nguyungû, ar ang kak yam zlam mang nga amula, ang te kazi akulo.

Sawal la giled’a 7:3

Le d’uo ni, azi mba kizagan ndei d’igi azlona nga mi kizak sama mi vum ma sama sud’um mbei abom nga d’uo na na.

1 Samuel 24:17

Ata yima David vunam dap zla d’a ded’a mi Saul dapma, Saul mi dala: Gorona David, gagazi ni deleng zu? Saul mi nde tchina ki delem akulo.

Wana ni mbaktumba hi Job-pa 36:16

Alona mba mi pad’ang ngei kur ndak manga, mba mi tining ata yima djivi ma bei va mi lang kua ba na, yam tabul mangâ, mba mi oî kahle suma mbulâ mi.

Sawal la giled’a 31:9

Ang han nga abo man ma djangûna d’i, ang tcholon ndei ata yima pid’a’â.

Sawal la giled’a 118:5

Kid’a an nga kur ndakid’a, an yi Ma didina; Ma didina mi humunu, mi pad’an ndei kuru.