Sawal la giled’a 17:7 - Bible azumeina

⁷ Angî ma nga sut suma a nga hal yima ngeid’a atang abo suma a kak djangûna ki sed’ezina, ang tak djivi mang nga kal teglesa woyo.

Sawal la giled’a 17:7 Referans Kwoze

Sawal la giled’a 60:5

Ang tak sum mangâ ndaka ngola. Kayam ndata, ami nga tchami tata abo ndaka d’igi suma a nga gurut ki sümina na.

Sawal la giled’a 31:21

Ang ngei suma a nga lang mandarangâ kä avorong abo suma a ndjak vunazi kazina, ang ngeyezi kä ad’u gong manga abo suma a nga halazi ki zlad’ina.

Sawal la giled’a 20:6

Ami mba ayâmi yam sut manga, ami mba hlami bangâna ki simiyê Alo meina; Ma didina mba mi hang ahle suma ang tchenem kazina pet mi.

Isai 41:10

Agi lagi mandar ri! An nga ki sed’egiya. Agi mbud’ugi tagi hohoud’a d’i, kayam an nAlo magina, an nga ni siragiya, an nga ni mba á ndjunugiya, an nga ni ndjunugi kabon ma ndjuf ma kus ayîna.

Sawal la giled’a 44:3

Ang dik andjaf suma woi á hazi yima kaka, ang b’lak andjaf suma woi á arazi yima kaka mi.

2 Sunda Hamuleinid’a 16:9

Ma didina iram nga tinda yam andagad’a pet á had’enga mi suma a tin huruzi kam ki hur ma tunina. Zla d’a ang lat wanda ang le ni sun nda lilid’a. Ki tchetchemba, ang mba durî ayîna burâ ki burâ.

2 Amuleina 19:34

An mba ni ngom suma kur azì ma ngol ma wanina, an mba ni sud’uzi yam simiyênu, yam azong mana David ma d’engzengâ mi.

Buzuk ka Abud’a 15:6

Ma didina, abong ma ndjufâ mi tak ad’eng manga woyo. Ma didina, abong ma ndjufâ mi hahl mang suma djangûna woyo.

Sunda hi suma a sunuzinid’a 2:33

Alona mi hlum sä akulo, mi tinim ata bigam mba ndjufa. Mi ve Muzuk ma bei tchod’a ba ma Abum mi hlum vunam kama, mi vomizï kami d’igi agi wagizi agi humugizi na mi.

2 Amuleina 19:22

Ang ngulî nge? Ang kra’î nge? Ang er ad’ung akulo á lazî nge? Ang hle yang akulo ni yam nge? Ni mi an Alo ma tin tan irat vat yam Israel-lîna.

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.

Sawal la giled’a 78:12

Mi le sun nda atchapa avok abuyozi ngolo kur Ezipte abagei kel avo Sowan.

Sawal la giled’a 31:22

An nga ni subur Ma didina! Ata yima man suma djangûna a nguyun d’igi azì ma ngol ma a nguyum ki gulumun ma ad’eng ma ngunguna na na, mi tagan djivi mamba.