Sawal la giled’a 17:4 - Bible azumeina

⁴ Kayam zla d’a ndeï avunanga, an wal tan ndei ki suma asa’atna yam sun nda azi nga lata.

Sawal la giled’a 17:4 Referans Kwoze

1 Pierre 5:8

Ar agi kagagi ki ndjola, agi kagagi iragi sik, kayam Diable magi ma djangûna nga mi tit d’igi azlo ma nga mi tchi á hal nge ma mam vum á mutnina na.

1 Korente-na 3:3

kayam agi nga mi tid’igi ni d’igi suma kur duniya d’a wandina tua na. Ki tchetchemba, yungôra ki huneîd’a a nga adigagiya. Kayam ndata, agi ni d’igi suma duniyad’a na, tit magid’a ni d’igi tita hi suma duniyad’ina na mi d’uo zu?

Vama ndum mbeina 12:11

B’oziyoina a kal kamî kad’enga hi buzuna hi Gor timinina ki zla d’a gagazi d’a azi tchat walata, a he tazi woi gak matna mi.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.

Efes-sâ 6:17

Agi kulubugi suta kagi d’igi djumba na, agi vagi zlad’a hAlonid’a d’igi mbigeu d’a fiyak ka Muzu’â hAlonina mi hagizid’a na.

Jean 17:17

Ang mbud’uzi sum mangâ kayam gagazid’a, kayam zla manga ni zla d’a gagazid’a.

Matiye 4:10

Jesus mi hulong dum ala: Seitan, ang huttcha woi dei, kayam a b’ir kur mbaktumba hAlonid’a ala: Ang kud’orî Ma didina Alo mangâ, ni mam tu go ba, ang lum sunda.

Matiye 4:7

Jesus mi hulong dum ala: A b’ir kur mbaktumba hAlonid’a kua ala: Ang kuk Ma didina Alo mangâ d’i.

Matiye 4:4

Wani Jesus mi hulong dum ala: A b’ir kur mbaktumba hAlonid’a ala: Sana mi kak karid’a ni yam tena hol li, wani ni ki zla d’a lara ge pet ta ndeï avun Alonid’a.

Vama ndum mbeina 9:11

Amul mazina ni malaika ma yam zul la yiyikina, a yum ki vun Hebre-na ala Abadon, a yum ki vun Gre’â ala Apoliyon, nala, Ma b’lak suma.

Wana ni mbaktumba hi Job-pa 31:33

An ngei nga yam tcho manda kä d’igi suma petna a nga le na, d’oze an ngei nga tcho manda kä kurun nduo mi.

Wana ni mbaktumba hi Job-pa 15:16

ni nana ba, mba mi tin hurum yam sama ndjendje ma tchim ma nga mi tche tchod’a d’igi sana mi tche mbina na na ge?

Ad’u Tinda 6:11

Alona mi we suma yam andagad’ina a mbut vama b’laka avoromu, arî asa’at ta led’a sasak,

Ad’u Tinda 6:5

Ata yima Ma didina mi we tchod’a hi suma nga d’i i avogovok djib’er mazid’a burâ pet ni yam tcho d’a led’ina,

1 Samuel 26:9

Wani David mi de mi Abisai ala: Ang tchum mbi! Ang we nga d’ala sama tin abom ata ma Ma didina mi tinim amulina, zlad’a nga kamu, d’uo zu?

1 Samuel 26:11

Ar Ma didina mi ngomon á tin abon ata ma mam tinim amulina! Ang hle ni asap pa nga ped’a kamba ki gugur ra mbina go, ei iya.