Sawal la giled’a 17:1 - Bible azumeina

¹ David mi tchen Alona. Ma didina, ang hum tchen man nda d’ingêra, ang tin humang á hum tchi mana, kayam an nga ni tcheneng ki hur ma tuna.

Sawal la giled’a 17:1 Referans Kwoze

Sawal la giled’a 142:6

Ma didina, an nga ni yangî angû, an nga ni dala: Angî yi man ma ngeid’a, angî b’rau manda aduk suma a nga ki irazi yam andagad’ina.

Sawal la giled’a 61:1

Ni sawal la gile d’a David mi hlat kadingâ mi hat mi ma ngolâ hi suma hle sawalina.

1 Jean 3:21

Buniyôn suma od’a, le huri nga vei ki zlad’a d’uo ni, ei nga ki mandarâ avok Alona d’uo mi.

Matiye 15:8

Sum ndazina a nga hun ni ki vunazi hawa, wani huruzi woi dei ki sed’enu.

Sawal la giled’a 145:18

Ma didina, mi nga go ki suma a nga yuma, mi nga go ki suma a nga yum ki hur ma tunina.

Isai 29:13

Salad’a mi dala: Ata yima sum ndazina a nga hud’ï gevena, a suburun ni ki vunaziya. Wani huruzi ni woi dei ki sed’enu. Le d’a a nga lan mandaranda ni yam vun ma hed’a hi suma ma a had’azizina.

Sawal la giled’a 142:1

Ni sawal la David mi hlata. Ni tchen nda mam nga mi tchenet kid’a mam nga kur zul la ahinad’id’a.

Sawal la giled’a 140:12

Sama ka zlad’a nga mi kak tatâ yam andagad’a d’i, sama murud’umba ndaka nga d’i digim á bam mbeyo.

Sawal la giled’a 86:1

Ni tchenda hi David-ta. Ma didina, ang tin humang ang humunu! Kayam an ni ma hou ma hohoud’a.

Sawal la giled’a 66:19

Wani Alona mi humunu, mi tin humam mi hum tchen manda mi.

Sawal la giled’a 43:1

Alo mana, ang kan sariya manda, ang ngomon abo andjaf suma bei we hohowa suma, ang prud’un ndei abo suma lemba ki suma mbut ira.

Sawal la giled’a 18:20

Mi ndan ndei ata yima tchona, mi gan akulo, kayam hurum vanu.

Sawal la giled’a 7:8

Ar andjaf suma pet a tok nguyungû, ar ang kak yam zlam mang nga amula, ang te kazi akulo.

2 Sunda Hamuleinid’a 7:15

Ar avok hî an mba ni mal iran ndeyo, an mba ni tin human á hum tchen nda suma a nga tchenen ata yima wanid’a.

Sawal la giled’a 5:2

Ma didina, ang tin humang á hum zla manda, ang djib’er yam zam ta manda.

Jean 1:47

Kid’a Jesus mi we Natanayel nga mi djï gevemba, mi de kam ala: Agi gologi ma Israel ma gagazi ma bei mbut ira kurum ba na.

Sawal la giled’a 18:44

Ang prud’un ndei abo suma a tchol huneîd’a ki sed’ena, ang tinin yam andjaf suma; andjaf suma an wazi nga d’uo na a lan sunda.

Nehemi 1:6

Ar ang mbud’ï irang kanu, ang tin humang hum tchen nda an azong mangâ nga ni tchenenga. An nga ni tcheneng ki tchetchemba andjege ki falei yam azungeî mang suma Israel-lâ, an nga ni dang woi yam tchod’a hi ami Israel-lîd’a. An kabuyon ngolo, ami lami tchod’a avorong mi.

Jeremi 3:10

Hina pet pî, b’oziyozi suma Juda suma bei d’engzengâ a hulongî nga geven ki hur ma tuna d’i. An Ma didina ni de na.

2 Samuel 22:24

An nga ki zla kan avorom mbi, an ngom tan ped’et bei le tchod’a.

Wana ni mbaktumba hi Job-pa 16:17

Hina pet pî, abon mi do nga vama tcho d’i, tchen manda ni yed’et burâ ki burâ.

Sawal la giled’a 54:4

Alo mana, ang hum tchen manda, ang tin humang á hum zla d’a ndavunanda,

Sawal la giled’a 55:18

Yorogo, faleya ki fladege, an nga ni tchenem tchen nda hohoud’a; mam nga mi humun mi.

Sawal la giled’a 61:2

Alo mana, ang hum tchi mana, ang tin humang hum tchen manda.

Sawal la giled’a 84:9

Ma didina, Alo ma ad’engêng kal petna, ang hum tchen manda; Alona hi Jakob-ma, ang tin humangû. Tchol ndjö

Sawal la giled’a 86:6

Ma didina, ang tin humang hum tchen manda, ang kak tchugot á hum tchen man nda hohoud’a.

Sawal la giled’a 88:3

Ang hum tchen manda, ang tin humang hum tchi mana.

Sawal la giled’a 102:2

Ma didina, ang hum tchen manda, ar tchi mana mi ndeza humangû!

Sawal la giled’a 143:1

Ni sawal la gile d’a David mi hlata. Ma didina, ang hum tchen manda, ang hum tchen man nda hud’a, ang hulongôn humba yam d’engzeng manga yam d’ingêr manga mi.