Sawal la giled’a 16:7 - Bible azumeina

⁷ An nga ni suburung ang Ma didin ma nga dan d’alîna, andjege pî djib’er manda nga d’i han ad’enga.

Sawal la giled’a 16:7 Referans Kwoze

Sawal la giled’a 73:24

Ang nga tagan gat manga, bugola, ang mba van atang kur subur manga.

Isai 50:4

Salad’a Ma didina mi had’an tala an we zla d’a ded’a á ndjun ki sama mi kauna d’a. Yorogo d’a lara pî nga mi zlid’in akulo tala an hum d’igi suma hata a hum zlad’a na d’a.

Sawal la giled’a 77:6

An nga ni djib’er yam bur ma kal leina, yam biza d’a kal lei dedeid’a mi.

Sawal la giled’a 17:3

Ang fegen wa hurunu, ang golon andjege, ang kugun wa, ang fe nga va atan ndi. Zla man nda ded’a ni tu ki djib’er manda.

Sawal la giled’a 63:6

An mba ni hop pei kahle suma djivina d’igi te ma djivi ma mbulâ na, an mba ni le furîd’a, an mba ni gileng mi.

Sawal la giled’a 42:8

Ndaka nga d’i djang kan kä d’igi mbiyona nga mi djang kä yam ndrama wü na, abil mangâ nga mi sulul kan akulo d’igi sama mbina mi hlubum kä na na.

Isai 48:17

Ma didin ma wurak kagi ma tin tam irat vat kagi Israel-lîna mi dala: An Ma didina Alo magina, an nga ni had’agi yam djivi magid’a, an nga ni tinigi kur lovot ta agi nga tid’igi kuad’a.

Isai 26:9

Andjege an nga ni halangû, an nga ni halang kurun krovo mi, kayam me, ata yima ang nga ka sariyad’a yam andagad’a ka hina, suma a nga hat á tit tit ta d’ingêra.

Zla d’a d’ogolâ 8:14

D’alâ ki zla d’a irata a ni mana, an ni wad’ud’a, ad’enga ni manda.

Sawal la giled’a 119:55

Ma didina, andjege dangâla an nga ni djib’er yam simiyêng á ngom gat manga.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Wana ni Zla d’a Djivi d’a Luc mi b’irita 6:12

Kur bur máma Jesus mi i yam ahinad’a á tchen Alona. Kur andjege ndata pet, nga mi tchen Alona.

Vama ndum mbeina 2:23

An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

Sawal la giled’a 119:7

Ata yima an mba ni hat nga hur mang ma iratnina, an mba ni gileng ki hurun ma tuna.

Sawal la giled’a 119:148

Kur ler ra andjeged’a pet an nga kaka ki iran á djib’er yam vun mang ma hled’a.

Sawal la giled’a 77:2

An nga ni tchi yam Alona ki delen akulo, an nga ni yAlona akulo, kayam mi tin humam mi humunu.

Sawal la giled’a 22:2

Alo mana, Alo mana, ni kayam me ba, ang aran ndei ge? Ni kayam me ba, ang wal lei dei ki sed’en á ndjunun nge? Ni kayam me ba, ang hum tchi mana d’uo ge?

Jeremi 12:2

Ang pazi ni angû. Sideyezi nga mi sir kä, a nga wula, a nga vud’a, a nga yang simiyêng ki vunazi burâ ki burâ, wani huruzi woi dei ki sed’engû.

Sawal la giled’a 73:21

Ata yima an nga kur hur ma zalina, hurun nga mi tan d’igi sa mi tchogondji ni tchoga na,