Sawal la giled’a 149:5 - Bible azumeina

⁵ Ar suma d’engzengâ a suburumu, ar azi le furîd’a gak yam azang mazina.

Sawal la giled’a 149:5 Referans Kwoze

Wana ni mbaktumba hi Job-pa 35:10

Wani sa tu pî mi de nga ala: Alo ma mi lan ma nga mi mba ki sawal la furîd’a andjegena mi ni lara ge d’i.

Sawal la giled’a 42:8

Ndaka nga d’i djang kan kä d’igi mbiyona nga mi djang kä yam ndrama wü na, abil mangâ nga mi sulul kan akulo d’igi sama mbina mi hlubum kä na na.

1 Pierre 1:8

Mam ma agi wagizi nga d’uo na pî ba, agi nga lagi kamu. Mam ma agi wagizi nga ki iragi ki tchetchemba d’uo pî ba, agi hagi gagazid’a kam mi. Kayam ndata, agi nga lagi furî d’a kal tegles sa ngol la sana mi ndak á dat ki vunam mbuo d’a,

Sawal la giled’a 145:10

Ma didina, ahlena pet suma ang lazina a mba gilengû; mang suma d’engzengâ a mba suburung mi.

Sawal la giled’a 118:15

Sawal la furîd’a ki d’a bangâna, a nga humut navo hi suma d’ingêrâ; Ma didina abom ma ndjufâ nga mi le sunda kad’enga;

Romê-na 5:2

Ni yam he gagazi mei d’a ei hat kamba ba, ei fei lovota á kal lei kur sumad’a hAlona d’a ei nga kak kä kurut ki tchetchembid’a. Ei nga lei furîd’a ki tin hurâ á djubi subura hAlonid’a.

Sawal la giled’a 132:16

An mba ni tchuk suta ata mat suma ngat buzuna d’igi a tchuk baruna atazi na, mat suma d’engzengâ a mba er ad’uzi akulo ki furîd’a mi.

Sawal la giled’a 92:2

Ni vama djivina á suburung ang Ma didina, á gileng simiyêng ang Alo ma sä akulo ma kal teglesâ!

Sawal la giled’a 23:1

Ni sawal la David mi hlata. Ma didina ni ma polona; va mba kid’agan ndi.

2 Samuel 6:15

David ki Israel-lâ pet a hleï zandu’â hi Ma didinina ki furîd’a kaduveina bud’a kazi wü.

Daniel 7:22

gak ma bizei ma dedeina mi mba á ka sariya d’a d’ingêra hi suma ma sä akulo ma kal teglesâ mi tinizi irazi vazina, gak kur bur ma suma a tinizi irazi vazina a te leud’ina.