Biblia Todo Logo
Bib sou entènèt

- Piblisite -




Sawal la giled’a 149:1 - Bible azumeina

1 Agi gilegi Ma didina! Agi gilegi Ma didina ki sawal la awilid’a, agi hlagi sawala á gilegizi kur toka hi suma d’engzengîd’a.

Gade chapit la Kopi




Sawal la giled’a 149:1
15 Referans Kwoze  

Agi gilem ki sawal la awilid’a, agi bugi ading magina djivid’a, agi eregi ad’ugi akulo mi.


Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.


Mi dala: Ang Alona, an mba ni dang zlang ngei mi b’oziyona, an mba ni gileng ki sawala aduk toka hi sumid’a.


Agi gilegi Ma didina! Agi gilegi Ma didina ei kur akulod’a, agi ahle suma sä akulo deina, agi gilemu!


Wana ni sawal la giled’a. Agi gilegi Ma didina ki sawal la awilid’a, kayam mi lahle suma ndandalâ. Mi sut suma ni ki bigam mba ndjufa, ni kabom ma bei le tchod’a ba na mi.


Agi suma nga tid’igi kur alum ma ngolîna, agi suma nga oîd’a kuruma, agi suma nga kaka yam tilina, ar agi hlagi sawal la awilid’a mi Ma didina, agi hagizi ngola, agi gilegizi avun dabid’a handagad’id’a pet mi.


Alo mana, an mba ni gileng ki sawal la awilid’a, an mba ni gileng kading ma ziyom dogona.


An mba ni ndak vun vun man ma hle ma an hlum mi Ma didinina avok sum mama pet,


Suma hle sawala a nga i avogo, suma bu adingâ a nga bugolo, gro yugunei suma a bu tchigiyeud’ina a nga adigaziya.


kayam nga mi gol sama hohoud’a is si, nga mi aram mbei d’i, nga mi ngei tam avorom mbuo mi. Wani ata yima nga mi yuma, nga mi hum yi mamba.


ang sud’un ndei avun azlo máma, ang sud’un ndei avun adif avun máma mi. Gagazi, ang hum tchen manda!


An mba ni sira andjavang ad’enga burâ ki burâ, an mba ni tin zlam mang nga amula kur atchogoi d’a lara ge pet mi. Tchol ndjö


Agi gilegi Ma didina ki sawal la awilid’a! Agi suma yam andagad’ina pet, agi gilegi Ma didina!


Agi gilegi Ma didina! An mba ni gile Ma didina ki hurun pet aduk toka hi suma d’ingêrîd’a.


An mba ni suburung aduk tok ka ngola, an mba ni gileng aduk suma ablau ndazina.


Swiv nou:

Piblisite


Piblisite