Sawal la giled’a 147:2 - Bible azumeina

² Ma didina nga mi hulong min Jerusalem akulo, nga mi tok Israel suma a i mbeïd’ina avo,

Sawal la giled’a 147:2 Referans Kwoze

Isai 56:8

Salad’a Ma didin ma mi tok Israel suma a b’rau woina, mi dala: An mba ni togï suma dingâ kua yam suma an togozi dana.

Sawal la giled’a 51:18

Kayam tang nga d’i lang djivid’a yam vama ngat buzu ma an nga ni hangzina d’i, tang nga d’i lang djivid’a yam vama ngat buzu ma ngala d’uo mi.

Gat ta a hat á mbàd’id’a 30:3

ata yi máma Ma didina mba mi wagi hohowogiya, mba mi yogï woi kur magomba, mba mi togogï kur ambas sa lara d’a mam mba mi ndjoyôgi woi kura.

Ezekiyel 38:8

Bugol bizad’a ablaud’a, an mba ni sirang kur sun mang nga led’a. Kur atchogoi ndata ang mba kal kur ambas sa Israel-la. Suma a nga kaka kuana ni suma a sud’ï woi avun ayî ma durîna, ni suma a buzugï woi aduk andjaf suma tetengâ, ni suma a tok a hulong kaka yam ahuniyô suma Israel suma a mbut djona adjeuna, ni suma a nga kaka kua ki halasina mi.

Jeremi 32:37

Gola! An mba ni togozï kur ambas sa lara ge pet ta an digizi woi kur kayî mana ki hur man ma zal ma gugulu’îd’a, an mba ni hulong mbazi ka hî kur yima wana, an mba ni kagazi kur bei va mi lazi ba.

Isai 62:7

Agi aram ta d’i, gak mi hulong mi minit blangât ma adjeuna, gak mi mbud’ut vama subura hi suma yam andagad’ina pet mi.

Isai 14:32

A hulong zla d’a ded’a mi suma Filistê suma a sunuzina nana ge? Kayam Ma didina mi gäd’u Siyon ni mamu, ni kua ba, mam suma hohoud’a a mba fe yima ngei tazina gagazi.

Jeremi 31:4

Ndak gor wei d’a Israel-la, an mba ni hulongôk blangâk ma adjeuna, ndak mba min tak ki daliyâ mak ka djifâ min nda dinga kua á nde ndjongâ aduk suma a nga lü ndjongâ ki furîd’ina.

Isai 27:13

Kur bur máma a mba bu adif fa ngola. Ata yi máma suma a vit tei yam ambas sa Asiri-d’a ki suma a ndjoî woi yam ambas sa Ezipte-d’ina pet a mba mba, a mba grif kä avok Ma didina yam ahina d’a a tinit irat vat ta avo Jerusalem-mba.

Nehemi 7:4

Wani azì ma Jerusalem-ma mi bubud’a, mi ngola heî mi, wani suma kuruma akid’eid’a, azì ma ding ma kuruma nga bei minda mi.

Daniel 9:25

Ang we, ang wad’ud’a djivi mi. Tin ad’ud’a kur bur ma a ge sunda á dala: A mba hulong min Jerusalem akulo gak mbad’a hi ma ngol ma a yum ala Mesi-na na, a mba le ni bizad’a kid’iziya kid’iziya yat kid’iziya. Bugol kur biza d’a kid’iziya kid’iziya dok karagaya yam mbàd’a, a mba hulong min azì máma akulo ki ir gulumun ma tcho woina, wani ni kur yima ndaka.

Matiye 16:18

An nga ni dangû, angî Pierre, an mba ni min Tok manda yam ahina ndata. Vun agre’â hi yima azuleinina mba mi lat va d’i.

Nehemi 6:15

Gulumuna mi dap minda ni kur bur ma dok mbà yam vahlâ hi til Elul-lâ; bur ma a le sun gulumuna kurâ pet ni burâ dok vahl yam mbà.

Nehemi 6:16

Kid’a mami suma djangûna pet a hum hina d’a, andjaf suma ding suma a nguyumina pet a mbut mandarâ, a hulong yazi kä yam taziya, a wala sun ndata ti le ni ata minda hAlo meinid’a.

Sawal la giled’a 102:17

Fata Ma didina mi min Siyon akulod’a, mba mi tak tam mbei kur subur mamba.

Jeremi 31:10

Agi andjaf suma, agi humugi zlad’a hi Ma didinid’a, agi i dagi zla ndata woi mi suma a nga kaka yam tila ata yima dedeinina, agi dazi ala: Ma didin ma mi ndjoî Israel-lâ woina, nga mi togozïya, nga mi ngomozi d’igi ma pola mi ngom tumiyô mama na.

Mise 4:6

Ma didina mi dala: Kur bur máma an mba ni veï suma dileîd’a atanu, an mba ni togï suma a yozi magombina, ki suma an lazi tchod’a adjeuna mi.

Zakari 8:7

An Ma didin ma ad’engên kal petna nga ni dagiya: an mba ni sut man suma a izi magomba abo ma yorogona kabo ma fladegenina.