Sawal la giled’a 147:11 - Bible azumeina

¹¹ Ma didina tam nga d’i lum djivid’a ni yam suma a nga lum mandarama, ni yam suma a tin huruzi yam o mam mba didindina mi.

Sawal la giled’a 147:11 Referans Kwoze

Sawal la giled’a 33:18

Wani Ma didina iram nga tinda yam suma a lum mandarama, yam suma tin huruzi yam o mam mba didinda

Sofoni 3:17

Ma didina Alo magina mi nga ki sed’egiya, Mam mi grang ma sud’ugina, mba mi mbud’ugi vama furî ma ngolâ yam o mam mba kagid’a, mba mi mbud’ugi awilid’a, mba mi le hur ma hapma ngola kagi mi.

Sawal la giled’a 149:4

kayam Ma didina tam nga d’i lum djivid’a yam sum mama, nga mi sut suma lulumana á suburuziya.

Isai 62:4

A mba yak ala Ta a digit teid’a d’uo d’a, a mba yandaga maka ala Ta a arat teid’a d’uo mi, wani a mba yak ala Ta an hurun vat heîd’a, a mba yandaga maka ala Ta a teleta, kayam Ma didina tam lum djivid’a kagu, andaga maka mba d’i ve ndjufâ.

Sawal la giled’a 33:22

Ma didina, ar ang lami djivid’a d’igi ami tinimi hurumi kang na!

Sawal la giled’a 35:27

Ar suma tazi lazi djivid’a yam d’ingêr mandina a le furîd’a ki hur ma hapma burâ ki burâ, ar suma a min halasa hazong mangîd’ina a de bei ara ba ala: Ei suburi Ma didina!

Zla d’a d’ogolâ 31:30

Mbut tang djivid’a ir suma ni mbut ira, djifâ ni vama kal leina, wani atcha d’a nga d’i le mandara Ma didinid’a, ti ndak á subura.

Zla d’a d’ogolâ 11:20

Suma huruzi tchod’ina a ni vama ndjendjed’a ir Ma didina, wani suma lovot mazid’a d’ingêrâ a ni vama djivina iram mi.

1 Pierre 1:17

Kur tchen magid’a agi nga yagi Alona ala Abugiya. Ni mam ma nga mi ka sariyad’a yam nge nge pî abo tat tu yam vama mi lumina. Kayam ndata, ata yima agi nga kaka ka hî yam andagad’ina, ar agi tagagi tit magid’a ki ge yam magi d’a kä kamba woyo.

1 Pierre 1:13

Kayam ndata, agi vagi tagi ad’enga á le sunda, agi kagagi ki ndjola, agi tinigi hurugi pet yam he d’a hawa d’a agi mba fat kur bur ma Jesus Christ mba mi nde woina.

1 Pierre 3:4

Wani djif magina ni kurugi krovo, ni djif ma bei b’laka, nala, lulumad’a ki tchugota; ni vama guzum kal tegles avok Alonina.

Ndumba 14:8

Le Ma didina mi wei hohoweya ni, mi mba kalei kur ambas ndata, mba mi heizi mi. Ambas ndata nambas sa ambira ki mbul ayuma a nga sor kä kuad’a.