Sawal la giled’a 146:8 - Bible azumeina

⁸ nga mi mal ir suma duka woyo, nga mi d’op suma gun kä na woyo, nga mi le yam suma d’ingêrâ mi.

Sawal la giled’a 146:8 Referans Kwoze

Sawal la giled’a 11:7

Ma didina ni ma d’ingêrâ, mi min ni sun nda d’ingêra mi; suma d’ingêrâ a mba wum iram mi.

Sawal la giled’a 145:14

Ma didina, ang nga vabo suma pet suma a puk kä na akulo, ang nga d’op suma a gun kä na woi mi.

Matiye 9:30

Irazi d’i mal leyo! Jesus mi gad’azi ngola, mi dazi ala: Agi gologi tagi djiviya, ar sa mi we zla ndata d’i.

Sunda hi suma a sunuzinid’a 26:18

Ar ang malazi irazi woyo, azi ar nduvunda, a mba kur b’od’a; a buzuk kei ad’u ad’enga hi Seitan-nda, a mba gen Alona kayam a he gagazid’a kanu. Hina wani, Alona mba mi vat hurum mbei yam tcho mazid’a, azi mba zlap tu ki sum mama.

1 Pierre 2:9

Wani agi nandjaf ma Alona mi manama, agi namulei suma ngat buzuna, agi nandjaf ma a tinim iram vama, agi ni suma hAlonina mi. Mi managi kayam agi tagagi sun nda djivid’a hAlo ma yagi woi kur nduvunda á igi kur b’o mam mba kal papad’ina woyo.

Efes-sâ 1:18

An nga ni tchenem ala mi malagi djib’er magid’a woi á wagi vama mam yagi á tinigi hurugi kama, kahle suma djivi suma ndjondjoî suma mam nga mi ngomozi akulo yam sum mamina,

2 Korente-na 7:6

Wani Alo ma b’leng hur suma a nga kur djib’erina, mi b’lengêmi hurumi ata yima Tit mi mbana.

Jean 16:27

kayam Abun tamba nga mi le kagiya, ni kayamba agi lagi kanda, agi hagi gagazid’a ala an tcholï ni gen Alona d’a mi.

Matiye 11:5

Suma duka a nga we, suma dileîd’a a nga tid’a, suma libina a nga yak keyo, suma ngela a nga huma, an nga ni tchol suma matna akulo, an nga ni tchi wal Zla d’a Djivid’a mi suma hohoud’a mi.

Isai 35:5

Ata yi máma suma duka irazi mba d’i mal leyo, suma ngela humazi mba d’i mal lei mi.

Isai 42:16

An mba ni tit ki suma duka kur lovot ta azi wat nga d’uo d’a, an mba ni tinizi kur lovot ta gurei d’a azi wat nga yazi tu d’uo d’a, an mba ni mbut nduvunda b’od’a avoroziya, yima djodjohlâ an mba ni mbud’um yima abo tam tuna mi. An mba ni ndak vun ahle ndazina, an mba ni arazi bei led’a d’i.

Sawal la giled’a 147:6

Ma didina nga mi ndjun suma lulumana, nga mi hulong yam suma asa’atna kä gak andaga mi.

Gat ta a hat á mbàd’id’a 33:3

Gagazi, Ma didina mi le yam sum mama. Suma mi tinizi irazi vazina pet a nga ni hur abomu, azi nga kaka kä asem á ve zla mamba.

Isai 42:18

Agi suma ngela, agi humugiya! Agi suma duka, agi malagi iragi woi agi gologiya!