Sawal la giled’a 143:2 - Bible azumeina

² Ang ka sariyad’a yam an azong mangâ d’i, kayam sama d’ingêr nga yam andagad’a avorong ngi.

Sawal la giled’a 143:2 Referans Kwoze

Ma tchi wala 7:20

Gagazi, sama d’ingêr ma mi le djivid’a ma bei le tchod’a yam andagad’a ka hina nga d’i.

Romê-na 3:20

Kayam ndata, le sana mi ngom gata pî ni, mam mba mi mbut sama d’ingêrâ avok Alona d’i, kayam gata ti ta’î sana tcho mamba hol.

Wana ni mbaktumba hi Job-pa 25:4

Ni nana ba, sana mi mbut sama d’ingêrâ avok Alona ge? Ni nana ba, sama atchad’a vud’uma mi mbut sama yed’etna ge?

1 Jean 1:10

Le ei dei ala: Ei lei nga tchod’a d’uo ni, ei mbut Alona ni ma ka zlad’a, zla mamba nga kuri d’uo mi.

Galat-na 2:16

Wani ami wami ala sana nga mi mbut d’ingêr avok Alona yam sunda hi gat ta mi lata d’i, wani yam he gagazi mam mba yam Jesus Christ-sa. Kayam ndata, ami hami gagazid’a yam Jesus Christ, ami mbud’umi suma d’ingêrâ ni yam he gagazi d’a yam Christ-sa, ni yam sunda hi gat ta ami lata d’i. Kayam sana nga mi mbut d’ingêr avok Alona ni yam sunda hi gat ta mi lata d’i.

Sawal la giled’a 130:3

Ma didina, Salad’a, ladjï ang nga ndumî tchod’a hi sumid’a ni, ni nge ba, mba mi kak karid’a avorong nge?

Wana ni mbaktumba hi Job-pa 14:3

Ni mam ba, ang so irang kam gola, ang i ki sed’em kur sariyad’a!

Wana ni mbaktumba hi Job-pa 15:14

Sana ni nge ba, mi dala mam mi sama yed’etna ge? Sama atchad’a ti vud’uma mi ndak á kak sama d’ingêrâ zu?

Wana ni mbaktumba hi Job-pa 4:17

Sana mi ndak á mbut d’ingêr avok Alona zu? Sana mi ndak á mbut yed’et avok Ma luma zu?

1 Amuleina 8:46

Fata Israel-lâ a le wa tchod’a avorong kayambala sama bei le tchod’a mi nga d’uo d’a ni, le ang hurung zal kaziya, ang hazi abo mazi suma djangûna a yozi magomba kur andaga mazi d’a deid’a, d’oze kur andaga mazi d’a god’a,

Buzuk ka Abud’a 34:7

An ni ma nga ni ngom djivi man nda ki sumid’a gak kur atchogoi d’a dubud’ina, an ni ma nga ni vat hurun ndei yam tchilad’a, yam tchi matna, yam tcho d’a led’a hi sanid’a, wani an ni ma nga ni ar sama le tchod’a bei ka sariyad’a kam mbuo na, an ni ma nga ni ngop grod’a yam tchod’a habuyozid’ina, an ni ma nga ni ngop grozi ngolona gak kur atchogoi d’a hindid’a ki d’a fid’id’ina mi.