Sawal la giled’a 141:1 - Bible azumeina

¹ Ni sawal la gile d’a David mi hlata. Ma didina, an nga ni yangû, ang mbeï geven atogo zak. Ata yima an nga ni yangâ, ang tin humang humun delenu.

Sawal la giled’a 141:1 Referans Kwoze

Sawal la giled’a 70:5

Ma didina, ar suma pet suma a nga halangâ a le furîd’a ki hur ma hapma kangû, ar suma a le yam sut mangina a de burâ ki burâ ala: Ma didina ni ma kal papana!

Sawal la giled’a 71:12

Alo mana, ang wal lei dei ki sed’en ndi; Alo mana, ang mbeï atogo ndjununu.

Sawal la giled’a 143:7

Ma didina, ang hulongôn humba atogo zak, kayam an nga ni lá bad’a, ang ngei tang iran ndi, ar an mbut d’igi suma a tchuk kä kur zulina na d’i.

Sawal la giled’a 40:13

Kayam an nga ki tcho d’a bei dap ndumba ba d’a kanu, tcho manda tok kanu; an we nga vama an lum ki sed’etna d’i. Ta ablaud’a kal tumus sa kanda, ve ta manda nga d’uo d’a.

Sawal la giled’a 22:19

A b’rau baru mana aduk taziya, a tum baru man nda ngola gumara mi.

Sawal la giled’a 143:1

Ni sawal la gile d’a David mi hlata. Ma didina, ang hum tchen manda, ang hum tchen man nda hud’a, ang hulongôn humba yam d’engzeng manga yam d’ingêr manga mi.

Wana ni mbaktumba hi Job-pa 7:21

Ni kayam me ba, ang vat hurung ngei yam tcho manda d’uo ge? Ni kayam me ba, ang mar rei yam tcho manda d’uo ge? Ki tchetchemba, an nga ni i bur kä aduk andaga d’a gugud’upa; ang mba halanu, wani ang mba fan nduo d’a.

Sawal la giled’a 28:2

Ata yima an nga ni yangâ, ata yima an nga ni yo abon akulo ir abo yi mang ma ang tinim iram vam ma kal teglesîna, ang hum tchen man nda hud’a.

Sawal la giled’a 70:2

Alona, ang mbeï sud’unu; Ma didina, ang mbeï atogo ndjununu!