Sawal la giled’a 14:2 - Bible azumeina

² Ma didin ma sä kaka akulona, nga mi gol suma kä yam andagad’ina á we sama ne ma halam mam Alonina nga zu?

Sawal la giled’a 14:2 Referans Kwoze

Romê-na 3:11

Sama wad’u nga d’i, sama hal Alona nga d’uo mi.

Hebre-na 11:6

Wani bei he gagazid’a, sana mi ndak á lAlona tam djivid’a d’i. Kayam sama min hut go gen Alonina, mbeî mi he gagazid’a ala Alona mi nga, mam mi ma nga mi wurak suma a nga halama mi.

Ad’u Tinda 6:12

mi wazi a mbut vama b’laka, kayam azi pet a we nga lovot ta a tit kua yam andagad’id’a d’i.

Daniel 12:10

A mba mbus suma ablaud’a woi yed’et hapa titil bei zozota ba, wani suma asa’atna a mba wad’ud’a d’i, a mba i avogovok kur tcho mazid’a. Wani suma wed’a a mba wad’ud’a.

Matiye 13:15

Kayam sum ndazina, huruzi ni b’ala, a tos humazi woi á humba, a duk irazi woyo, kayam a we ki irazi d’i, a hum ki humazi d’uo mi tala a wad’ud’a kuruzi a mbut huruzi mbut ba, an ni sud’uziya d’a.

2 Sunda Hamuleinid’a 19:3

Wani mi fahle suma djivina atangû, kayam ang pleî agu ma murguli ma a pum malo d’a a yat ala Asera-d’a woi kur ambas manga. Ang tin hurung á halam mi.

Zla d’a d’ogolâ 9:16

Ar sama lara ma bei wäd’u zlad’a ba na mi mbeï ka hî. Nga d’i de mi ma lilid’a ala:

Sawal la giled’a 82:5

Kayam agi wagi nga va d’i, agi nga wad’ud’a d’uo mi, agi nga tid’igi ni kur nduvunda. Kayam ndata, ad’u ged’a handagad’id’a nga d’i giged’a.

Isai 63:15

Ang ma sä kaka akulo ata yi mang ma ang tinim iram vam ma suburina, ang golï irang kä. Zlezleû manga ki djivi manga a nga ni lara ge? Ang ar bei hat hurung kan bei wan hohowon nana ge?

Jeremi 4:22

Ma didina mi dala: Gagazi, sum mana yazi nga d’i. A wan nga d’i, a ni gro suma lilid’a, suma bei wad’ud’a, a ne heî ná le tchod’a hol, a we nga djivi d’a led’a d’i.

Isai 55:6

Agi halagi Ma didina kid’a mi nga tua d’a; agi yum kid’a mi nga go ki sed’egi tua d’a.

Isai 27:11

Ata yima abo aguna mi sona, a kuzum mbeyo, aropma a mba a dom akud’a. Sum ndazina ni suma bei wad’ud’a. Kayam ndata, Salazi ma lazina, hurum nga mi hat kazi d’i, ma minizina nga mi wazi hohowozi d’uo mi.

Isai 8:19

Suma hiuna a nga dala: Agi tchenegi suma a nga djop ki suma azuleinina ki suma a nga de zlad’a yam vama nga mi mbana suma a nga kud’us tazi d’oze a de zlad’a kä kuruzi krovona. A de kua ala: Suma a ndak á djop alo mazina d’oze á djop suma azuleina yam suma a nga ki irazina d’uo zu? Le a dagi hina ni,

Zla d’a d’ogolâ 8:5

Agi suma bei wäd’u zlad’a ba na, agi had’agi ned’a, agi suma lilid’a, agi had’agi wad’ud’a.

Zla d’a d’ogolâ 2:9

Ata yi máma ang mba we d’ingêra ki gagazid’a, ang mba we á lahle suma djivi suma lara ge pet mi.

Sawal la giled’a 92:6

Ma didina, sun mang nga ang lata ni d’a kal teglesa, djib’er manga ni d’a ndak á sana mi wat ad’ut tuo d’a!

Hor ma tchina 3:50

gak Ma didina mi djib’era, mi golï kä kur akulod’a.

Zla d’a d’ogolâ 9:4

Agi suma bei wäd’u zlad’a ba na, agi mbeyegï ka hî! Ti de mi suma lilid’a ala:

Sawal la giled’a 107:43

Ar sama ned’a mi kak ki ned’a yam ahle ndazina, ar mi wäd’u sun nda o d’a didin nda Ma didina mi lata mi.

Ad’u Tinda 18:21

Kayam ndata, an nga ni tchuk asen kä á we käl la a kal kazi sä avoronda ni gagazi zu? Le nga hina d’uo ni, an ni we ki iran tua.

Ad’u Tinda 11:5

Kayam ndata, Ma didina mi tchugï asem kä á gol azina ki gong nga fiyak ka akulo d’a suma a nga minita.

Isai 64:1

Ang mbut ni d’igi aku d’a ti ngal tchagalakid’a na, d’igi aku d’a ti zal mbinid’a na, tala mang suma djangûna a wang simiyêng andjaf suma a zlak avorongû d’a.

Sawal la giled’a 69:32

Ma didina, wana ni vama lang tang djivid’a kal amuhlâ, kal amuhl ma digili ma ad’eng ma an hangzina.

2 Sunda Hamuleinid’a 30:19

yam suma pet suma a tin huruzi yam ang Ma didina Alona habuyozi ngolona suma a mbut nga tazi yed’et d’igi gata de yam yed’eta na d’uo na.

Wana ni mbaktumba hi Job-pa 15:14

Sana ni nge ba, mi dala mam mi sama yed’etna ge? Sama atchad’a ti vud’uma mi ndak á kak sama d’ingêrâ zu?

Sawal la giled’a 11:4

Ma didina mi nga kaka kur gong mam mba kud’ora; zlam mam mba amula sä tinda akulo. Mi nga mi gol suma yam andagad’ina, mi nga mi wahle suma azi nga lazina.

Jeremi 5:1

Ma didina mi dala: Agi igi ir palum mba Jerusalem-mba teteng, agi i gologiya, agi halagi ad’ud’a, agi halagi ata yima suma a tok kuana. Le agi fagi sa kua tu, le agi fagi sama mi tit yam gagazid’a ma nga mi hal d’engzengina ni, an mba ni vat hurun ndei yam suma Jerusalem-ma.