Sawal la giled’a 137:1 - Bible azumeina

¹ Kid’a ami kagami avun aluma sä Babilon-nda, ami tchimi kurumi krovo á djib’eremi yam Siyon.

Sawal la giled’a 137:1 Referans Kwoze

Ezekiyel 1:1

Kur biza d’a dok hindid’a, kur bur ma vahlâ hi til ma fid’ina hi biza ndatina, kid’a an nga aduk suma a yozi magomba avun alum ma Kebar-rîd’a, akulo ti mal leyo, vana mi tcholï ata Alona, mi nde tam mbei iranu.

Ezekiyel 3:15

An mbaza Tel-Abip, avo hi suma a yozi magombina avun alum ma Kebar-râ. Ata yima azi nga kaka kuana, an kak sä kua adigazi burâ kid’iziya kur djib’era ngola.

Wana ni Zla d’a Djivi d’a Luc mi b’irita 19:41

Kid’a mi mba go kazì ma ngol ma Jerusalem-mid’a, mi wumu, mi tchi kamu.

Ezekiyel 1:3

Ata yi máma Ma didina mi de zlad’a mi an Ezekiyel ma ngat buzuna Buzi goroma yam ambasa hi suma Babilon-nid’a avun alum ma Kebar-râ. Ni kua ba, Ma didina mi tin abom kanu.

Hor ma tchina 3:48

Iran nga d’i djang simina kä d’igi mbiyo toliyonda na yam b’laka hi sum manid’a.

Hor ma tchina 2:18

Ndak Jerusalem, ndak i gen Salad’a, ndak tchiya, ndak zam tagu. Ar simi ma’â mi djang kä d’igi toliyonda na andjege ki faleya, ar ndak tuk tak ki, ar ndak ba tchi ma’â d’uo mi.

Hor ma tchina 1:16

Ni kayam ndata ba, an nga ni tchiya, simina nga mi djang iran kä kayam mi wal ma b’leng hur ma mi ndjunun ari mandina woi dei ki sed’enu. Grona a mbut hohoud’a, kayam ma djangûna mi fad’eng nga kala.

Jeremi 15:17

An kak nga aduk toka hi suma las suma á san ki sed’ezi d’i. Kayam ad’eng manga, an kak kei van tu, kayam ang oyôn kayî mangâ.

Sawal la giled’a 42:4

Andjege ki faleya, simi irana mi mbut ni te mana, kayam a nga dan burâ ki burâ ala: Alo mangâ mi nga ni lara ge?

Nehemi 2:3

An hulong de mamulâ ala: Amulâ, ar va mi lang ngi! An hineî tan nduo ni nana ge? An hum ala azì ma ngol ma asud’a hi simiyênda nga kuana mi b’lak wa woyo, vunam mi ngal lei mi.

Esdras 8:31

Ami tcholomi avun alum ma Ahava-na kur bur ma dogo yam mbàna hi til ma avo’â á i Jerusalem. Alo meina iram nga tinda kami á ngomomi abo mami suma djangûna, abo suma pet suma a nga burumi kä glovotna mi.

Esdras 8:21

Ata yima ami nga avun alum ma Ahava mámina, an he vuna ala ami d’elemi tami bei te tena, ami gami yami kä avok Alo meina, ami tchenem mi ndjunumi ki gromina kahle mamina pet kur tit mamid’a mi.

Vama ndum mbeina 11:3

An mba ni sun man suma glangâsâ mbà, a mba tchuk baru d’a ndjondjorod’a ataziya, a mba djok vun Alona woi burâ dubu yam kikis mbà yam dok karagaya.

Daniel 9:3

An d’el tan bei te tena, an tchuk baru d’a ndjondjorod’a atanu, an tchuk butna kanu, an mbut iran gen Salad’a Alona á tchenem ki labiyad’a.

Hor ma tchina 3:51

Ata yima iran nga d’i wahle ndazinina, hurun nga mi hat yam yugunei suma kur azì man ma ngolîna.

Isai 66:10

Agi pet suma a lagi katna, agi lagi furîd’a ki Jerusalem, agi mbud’ut ni vama agi lagi furîd’a kama. Agi pet suma nga yorogi tagi katna, agi lagi furîd’a ki sed’et mi.

Jeremi 8:19

Gola! Del la tchina hi sum manid’a, ti tcholï yam andaga d’a deid’a, ti dala: Ma didina mi nga kur Siyon d’uo d’ang zu? Amul matna mi nga kurut tuo mi zu? Ma didina mi dala: Ni kayam me ba, azi zalan hurun kangus ahle mazi suma tcheta kahle suma hawa ya’â hi suma dingîna ge?

Jeremi 13:4

Ang yo d’ik máma, ang i avun alum ma Efrat-na, ang i ngeyem kä angra ahinad’a.

Jeremi 51:13

Ndak Babilon nda nga kaka avun mbiyo ma nglonid’a, ndak ka tok ndjondjoîd’a ngola avo hataka, zlak dap da’, d’od’ok maka dap wa mi.