Sawal la giled’a 136:11 - Bible azumeina

¹¹ Ni ma buzugï Israel-lâ woi aduk Ezipte-nina, kayam o mamba nga d’i dap pi.

Sawal la giled’a 136:11 Referans Kwoze

Buzuk ka Abud’a 12:51

Kur bur máma tamba, Ma didina mi buzuk Israel-lâ woi kur ambas sa Ezipte-d’a, ad’u adezezi ad’u adezeziya.

Buzuk ka Abud’a 13:3

Moise mi de mi Israel-lâ ala: Agi djib’eregi yam bur ma agi buzugugï woi kur Ezipte kur yima a lagi magomba kuana. Kayam ni Ma didina kad’eng mamba ba, mi buzugugï woi kua. Ar sa mi tavungô ma a lum kangufina kur bur ma ge hum máma d’i.

Sawal la giled’a 105:37

Mi buzuk sum mama woi ki kawei ma hapma ki lora oîd’a aboziya. Sa aduk sum mama tu pî mi it nga d’i.

Sawal la giled’a 78:52

Ma didina nga mi i ki sum mama d’igi sana mi i kaho’â na, nga mi tit ki sed’ezi abagei hur fulâ d’igi sana mi pol tumiyôna na.

Buzuk ka Abud’a 13:17

Kid’a Faron mi ar Israel-lâ á id’id’a, Alona mi arazi nga á hle lovot ta gid’eng nga yam ambasa hi Filistê-nid’a d’i. Kayam Alona mi dala: Suma Israel-lâ a mba we ayî ma durâ, a mba le huruzi gigrit á hulong Ezipte.

Buzuk ka Abud’a 12:41

Kid’a biza d’a kikis fid’i yam dok hindi ndata ndaka, kur bur máma tamba, suma hi Ma didinina pet a buzuk kei yam ambas sa Ezipte-d’a.

Buzuk ka Abud’a 12:42

Andjege ndata Israel-lâ a tinit irat vat yam Ma didina, kayam mi buzuguzi woi kur ambas sa Ezipte-d’a. Andjege ndata, ti mbut nandjege d’a ge humba mi Israel-lâ á he ngola mi Ma didina kur atchogoi d’a lara ge pet.

Buzuk ka Abud’a 13:9

Bur máma mba mi mbut ni vama ge humba d’igi vama taka na djinda del abogiya, ni d’igi vama djib’era na djinda avorogi mi, kayam agi aragi gata hi Ma didinid’a ti wal lei ki vunagi d’i. Kayam ni Ma didina kad’eng mamba ba, mi buzugugï woi kur ambas sa Ezipte-d’a.

Buzuk ka Abud’a 13:14

Fata grogina a mba djobogi avin ala: Ad’u zla ndata nana ge d’a, agi mba dazi ala: Ni Ma didina kad’eng mamba ba, mi buzugumï woi kur Ezipte kur yima a lami magomba kuana.

Buzuk ka Abud’a 13:16

Bur ma ngat buzu máma mba mi mbut ni d’igi vama taka na djinda del abogiya, ni d’igi vama djib’era na djinda avorogi mi. Kayam ni Ma didina kad’eng mamba ba, mi buzugugï woi kur Ezipte.