Sawal la giled’a 135:17 - Bible azumeina

¹⁷ azi nga ki humba, a nga hum mbi, azi nga ki vuna, a nga fo va d’uo mi!

Sawal la giled’a 135:17 Referans Kwoze

Jeremi 10:13

Ata yima mi he vunina, mbina nga mi tok kur akulod’a. D’ugula nga d’i tcholï avun dabid’a handagad’id’a teteng. Wiled’a nga d’i wile á salona, simetna nga mi buzugï woi ata yi mam ma ngei ahlena mi.

Jeremi 51:17

Kayam ndata, suma pet a mbut ni suma yazi nga d’uo na abo we mamba. Suma yor lora pet a mbut zulona kangus ahle suma azi yorozina, kayam filei mazina ni filei ma ka zlad’a, nga mi muzuk kuo mi.

Wana ni mbaktumba hi Oze-d’a 13:2

Ki tchetchemba, a nga le tchod’a, a nga i avogovogo, a nga yor angus ahlena ki kawei ma hapma, a nga yor fileina ki lem mazid’a pet. Ni sun nda sama d’alâ mi lat kabomba. A nga de kat ala: Ar suma a nga mba kahle suma ngat buzunina a sop vun gor amuhl ma a yorom máma.

Habakuk 2:19

Ni zla d’a hohoud’a yam sama nga mi de magu ma a tuwalama ala: Ang tchol akulo na yam ma nga mi de mahina d’a a tuwalata ala: Ndak zlid’a na mi. Na ni a mba had’am zu? A gulud’uzi ni ki lora ki dorona mi, wani a nga muzuk ki.