Sawal la giled’a 131:1 - Bible azumeina

¹ Ni sawala hi David ta suma a djak Jerusalem á lü vun tilîna a hlata. Ma didina, an nga ki hur ma ngolâ d’oze yam mba ad’enga d’i, an nga ni he tan yam ahle suma nglona d’oze yam ahle suma kal yam ad’eng mandina d’uo mi.

Sawal la giled’a 131:1 Referans Kwoze

Romê-na 12:16

Ar agi kagagi ki djib’er ra tud’a aduk tagiya. Ar agi suburugi tagi d’i, wani ar agi tid’igi ni ki suma lulumana. Ar agi gologi tagi d’igi suma ned’a na d’i.

Sawal la giled’a 139:6

We ndata ni we d’a ndandal la kal kanda; ti sä nakulo dei; an ndak á wat ad’ut ti.

Wana ni mbaktumba hi Job-pa 42:3

Ang dan ala: Ni nge ba, mi mbud’un nga hur mana nduvunda ki zla d’a de d’a bei wat ad’ut babad’a ge? Gagazi, an de ni bei wad’ud’a yam ahle suma atchap suma kal kan suma an ndak á wazi ad’uzi d’uo na!

Jeremi 45:5

Ang nga halî ahle suma nglona kang ang zu? Ang halazi d’i, kayam an nga ni mba ki ndaka yam suma pet. Ata yima lara ma ang mba i kuana pet, an mba ni hang ari manga ni d’igi vama a hurumumï avun ayînina na. An Ma didina ni de na.

Sawal la giled’a 101:5

Sama mi ka hula yam ndromina, an mba ni bam mbeyo; suma a nga fo avilid’a mi ndrozinina, an mba ni arazi woyo.

Sawal la giled’a 124:1

Ni sawala hi David ta suma a djak Jerusalem á lü vun tilîna a hlata. Ar Israel-lâ a dala: Ladjï Ma didina mi nga ki sed’ei d’uo ni, ei mba lei ni nana ge?

Sawal la giled’a 122:1

Ni sawala hi David ta suma a djak Jerusalem á lü vun tilîna a hlata. An nga ki furîd’a ata yima a dan ala: Ar ei ï avo hi Ma didina na.

Ndumba 12:3

Wani Moise ni sama luluma ma kal suma yam andagad’ina petna.

Matiye 11:29

Ar agi hlagi djuk mana, agi had’agi atanu, kayam an ni sama lulumana ma hurun ab’lengîna mi, agi mba fagi tuk tad’a mi.

Sawal la giled’a 133:1

Ni sawala hi David ta suma a djak Jerusalem á lü vun tilîna a hlata. Wana ni vama djivi ma le suma tazi djivid’a heî na: Ar b’oziyod’a a kak zlapa tu.

1 Samuel 18:23

Azungeîna hi Saul-lâ a dugot zla ndata ded’a mi David. David mi hulong dazi ala: Na ni agi gologi ni vama afefetna iragi á mbut amulâ akunoma zu? Anu, an ni sama houd’a, an ni sama ndak va d’uo na mi.

1 Samuel 16:22

Saul mi ge sunda, mi de mi Jesse ala: An tchenengû, ang ar David mi kak kur sun manda, kayam tan ndi lan djivid’a heî kamu.

1 Samuel 16:18

Aduk azungeî mama sana tu mi hulong dum ala: An we sana tu, ni Jesse ma Betelehem-ma goroma, ni sama we bu adingâ djivid’ina, ni sama ad’eng ma gangrangâ, ni sama durâ, ni ma de zla d’a djivid’ina, ni ma djifâ mi; kal pet, Ma didina mi nga ki sed’emu.

1 Samuel 16:13

Samuel mi hle mbulâ, mi vom yam David avok b’oziyoma. Muzu’â hi Ma didinina mi ve David, mi kak ki sed’em kur bur máma gak kur bur ma avo’â mi. Bugola, Samuel mi hulong avo Rama.

Gat ta a hat á mbàd’id’a 17:20

Hina wani, mam mba mi hle yam akulo yam b’oziyom á wal lei ki vun ma he máma á i abo mandjuf foze abo ma gula d’uo mi, kayambala mam kandjavam a te leud’a yam Israel-lâ gak didinu d’a.

Romê-na 11:33

Ndjondjoîd’a hAlonid’a ki ned’a ki we mamba ad’uzi ni zula yiyik. Ni nge mi ndak á väd’u sariya mamba ki nga hur mama ge?

Sunda hi suma a sunuzinid’a 20:19

Ata yi máma an le sunda mi Salad’a ki kukud’oka ki simina iran ki kuk ka mba kanda ki vun ma Juif-fâ a ndjagam kana.

Jeremi 17:16

Ma didina, Ni an ba ni noî á mbut mang ma pola d’i. An min nga ala ndaka ti mba yam suma d’uo mi. Ang we, kayam ang we zla d’a ndavunanda pet.

1 Samuel 17:15

David mi ar Saul, mi mba Betelehem á pol aho’â habuma.

1 Tasaloni’â 2:10

Agi kAlona ni suma glangâs mamina, agi wagi ala tit mami d’a adigagi agi suma hagi gagazid’ina ni yed’et, ni d’ingêra bei zlad’a kami ba mi.

2 Samuel 6:22

An mba ni ge yan kä kua, an mba ni gol tan ni va d’uo, wani a mba suburun avok yugunei suma ndak de kazi wana.

Zla d’a d’ogolâ 21:4

Subur tad’a ki yam mba ad’enga a nga tak tchod’a hi suma asa’atnid’a woi d’igi lalamba nga d’i b’o na.