Sawal la giled’a 13:2 - Bible azumeina

² Ma didina, ang mba mar kan hina gagak mindja ge? Ni gak didin ndju? Ang mba tchok yang kä avoron hina gagak mindja ge?

Sawal la giled’a 13:2 Referans Kwoze

Jeremi 8:18

Jeremi mi dala: Hurun b’lak kurun kakazeî, wani kuma ma b’lengên huruna nga d’i.

Jeremi 15:18

Ni kayam me ba, ndak manda nga d’i i avogovok ke? Ni kayam me ba, mbil man ma bei tchila ba na mi min tchil luo ge? Ang mba mbut kan ni d’igi mbiyo ma lau ma lobon irana na, d’oze d’igi mbiyo ma lau ma sa nga mi tin hurum kam mbuo na na zu?

Hor ma tchina 1:5

Suma a lat murud’umbina a kal kad’u, mat suma djangûna a nga kaka tchugot, kayam Ma didina mi mbud’ut hohoud’a yam tcho mat ta zul heîd’a. Grotna a nga i magomba avok mat suma djangûna.

Ma tchi wala 5:17

Vama an wuma ba wana: Vama djivi ma yam sanina, ni d’ala mi te, mi tche, mi le furîd’a yam sun mam mba lara ge d’a mi lat ki kaud’a yam andagad’a ka hî kur bur ma Alona mi humzi yam andagad’a ka hina d’a. Wana ni wurak mamba.

Zla d’a d’ogolâ 15:13

Sama mi nga ki furîd’ina iram mbi ni woi tchatreî, wani le sana mi nga kur ndaka ni, tam mbi tchu’î susub’ok mi.

Wana ni mbaktumba hi Job-pa 10:15

Le zlad’a vanu ni, ni zla d’a hohoud’a kanu! Le an ni sama bei zlad’a kana ni, an ndak á hle yan akulo d’i. Abo zulo ma tok kana, an ka guruta woi abo ndak manda mi.

Filip-ma 2:27

Gagazi, tugud’eid’a lumu, mi ar go á matna. Wani Alona mi wum hohowomu, nga ni mam hol li, wani mi wan hohowon mi, kayam an yor tan yor ra ding ngi.

Romê-na 9:2

An nga ni djib’er ngola, hurun nga mi hat teteu mi.

Jean 16:6

Yam zla d’a an dangzid’a, agi hurugi nga mi hat ngola.

Matiye 26:38

Ata yi máma, mi dazi ala: Hurun b’lak kakazeî á matna; agi kagagi ka hî ki ndjola zlapa ki sed’enu.

Hor ma tchina 1:9

Ndjendje mata nga d’i djang ata baru mata, ti djib’er nga yam vama nga mi mba katna d’i. Puk mata ni puk ka atchapa, sama b’lengêt hurutna nga d’i. Ti dala: Ma didina, ang we hohou manda. Ni nana ba, ma djangûna nga mi kus kan nge?

Sawal la giled’a 116:3

Matna mi d’ud’un wa ki ziyo mama; mandarâ hi yima azuleinina, mi van wa; djop vuna ki kid’eî ira a van wa mi.

Sawal la giled’a 74:18

Ma didina, ang djib’era! Ma djangûna nga mi ngulungû, andjaf ma lilid’a nga mi panang simiyêngû.

Sawal la giled’a 74:10

Alo mamina, ma djop vun suma mba mi lazangî hina gak mindja ge? Ma djangûna mba mi ngulung anguzangî hina gak mindja ge?

Sawal la giled’a 42:4

Andjege ki faleya, simi irana mi mbut ni te mana, kayam a nga dan burâ ki burâ ala: Alo mangâ mi nga ni lara ge?

Sawal la giled’a 31:18

Ma didina, ata yima an nga ni yangâ, ang aran an mbut zulona d’i; ar suma asa’atna a mbut zulona, ar azi i kä azulei ki vunazi ma du’â.

Sawal la giled’a 17:9

abo suma asa’at suma a nga djobon vunana, abo man suma djangû suma a nga halan á tchid’a suma a nguyuna mi.

Sawal la giled’a 10:18

á hum zlad’a hi suma hokuyod’a ki d’a hi suma a nga kid’eyêzi irazinid’a, á kazi sariya d’a d’ingêra. Ar sama yam andagad’a ka hina, mi mbut suma mandarâ d’uo d’a.

Sawal la giled’a 9:6

Ang nga ngop andjaf suma bei wangâ, ang nga b’lak suma asa’atna woyo, ang nga tchazi simiyêzi woi ki irang fafat gak didin.

Sawal la giled’a 8:2

Ma didina, Salad’a, simiyêng ni ma kal tegles yam andagad’a petna. Ang nga tak ngol mang nga kal teglesa woi kur akulod’a.

Sawal la giled’a 7:2

Ma didina, Alo mana, an nga ni hal yima ngeid’a natangû, ang sud’un ndei abo suma pet suma a nga djobon vunana, ang prud’un ndeyo.

Ester 7:6

Ester ti dum ala: Ma djangû ma nga mi djobomi vunamina ni Haman ma asa’at ma wana! Ata yi máma Haman vunadigam pat fek avok amulâ kamula abo mandarâ.

Nehemi 2:2

Amulâ mi dan ala: Ni kayam me ba, ang hineî tang hina ge? Ang nga tugud’ei d’uo ko mi na; ni zla me tang hurung nge? Ata yi máma an mbut mandarâ ngola.

1 Samuel 24:19

Ang tagan djivi mang nga ang lat kanda ini woyo, ata yima Ma didina mi han abongâ, ang tchan nga d’i.

1 Samuel 18:29

Saul nga mi le mandara David ngola, mi mbut ni ma djangû mama ki iram fafat.

Wana ni Zla d’a Djivi d’a Luc mi b’irita 22:53

Burâ ki burâ an nga ki sed’egi kur gong nga kud’ora hAlonid’a, agi halan nga á ved’a d’i. Wani ki tchetchemba ni yi magina, nad’enga hi nduvundid’a mi.

Jeremi 45:3

Ang dala: Ndaka nga kanu, kayam Ma didina nga mi mba ki ndak ka dinga kan yam ahle suma tan nga d’i tan abozina. An ni seî wa á muzuka, an ndak á tuk tan ndi.

Sawal la giled’a 38:17

An dala: Ang arazi á le furîd’a kan ndi; ata yima asen ka azlard’eid’ina, ang arazi á subur tazi kan nduo mi.

Sawal la giled’a 6:4

An nga kur djib’er ngola; Ma didina, ni mindja ba, ang mba ndjunun nge?

Hor ma tchina 5:20

Ni kayam me ba, ang mar kami woi ki irang hina fafat ke? Ni kayam me ba, ang arami woi bizad’a ablaud’a hina ge?