Sawal la giled’a 128:2 - Bible azumeina

² Ang mba fe mbina yam sun nda ang lat kabonga, ang mba le furîd’a, ang mba i avogovok mi.

Sawal la giled’a 128:2 Referans Kwoze

Isai 3:10

Agi nga dagi yam ma d’engzengâ ala mam mba mi kak ki djivid’a; ahle suma mi lazina, mba mi faziya.

Isai 62:8

Ma didina mi gun tam kabom ma ndjufâ ki bigam mba sib’ika ala: An mba ni ar mak suma djangûna a mba tawu ma’â d’uo d’a, an mba ni ar andjaf suma dingâ grozina a mba tche süm guguzlu d’a ndak zumuta d’uo mi.

Gat ta a hat á mbàd’id’a 28:4

Mba mi b’e vunam yam grogina, yam andaga magid’a, yam d’uwar magi ma gureina ki ma nglona mi.

Gat ta a hat á mbàd’id’a 28:11

Ma didina mba mi lagi djivid’a, mba mi zulugi grogina, mba mi zulugi d’uwar magi ma nglona ki d’uwar magi ma gureina yam ambas sa mam gun tam kat mabuyogi ngolo á hagizid’a.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.

Ma tchi wala 8:12

An we le ma le tchod’a, mi le tchod’a yam kis, nga mi te ngola tatâ yam andagad’a pî, an wala suma a nga le mandara Alonina a mba kak ki halasa kayam azi nga le mandarâ avoromu.

Efes-sâ 6:3

Hina wani, ang mba kak ki djivid’a, ang mba te ngola tatâ yam andagad’a mi.

Jeremi 22:15

Na ni ang nga tamula ni kayamba ang min agu sedrena heîd’a zu? Abung mi te mi tche mi d’uo zu? Wani mi ka sariya d’a d’ingêra, mi le sun nda irata mi. Ni kayam ndata ba, mi kak ki djivid’a.

Isai 65:13

Kayam ndata, an Salad’a Ma didina nga ni dagiya: Gola! Man suma d’engzengâ a mba te, wani agi meid’a mba d’i tchagiya. Gola! Azungeî man suma d’engzengâ a mba tche, wani agi vunagi mba mi so. Azungeî man suma d’engzengâ a mba le furîd’a, wani agi zulona mba mi lagi mi.

Gat ta a hat á mbàd’id’a 28:51

Azi mba yogi d’uwar magina kawu magina; agi mba bogi woi abo meid’a. Azi mba aragi awu magi d’oze süm guguzlu d’oze mbul loze d’uwar magi ma nglona groma d’oze magi ma gureina groma d’uo mi gak agi dabagi woyo.

Gat ta a hat á mbàd’id’a 28:39

Agi mba pagi guguzlud’a, agi mba lat sunud’u, wani agi mba tchat sumut ti, agi mba dud’ut vud’ut tuo mi, kayam ndjuvulâ mba mi dabat ted’a.

Ad’u Tinda 3:19

Ni ki ndaka ki zumal la avoronga tua ba, ang mba fe ki tena gak ang mba hulong kä aduk andaga d’a an lang ki d’a. Kayam angî andaga d’a gugud’upa, ang mba hulong kä aduk gugud’up ndata.

Sawal la giled’a 109:11

Ar sama mi he beged’a mi suma ki mbinina, mi hurumum ahle mama kad’enga, ar angoyogeina a hurum ahle suma mi fe ndaka ki sed’ezina!

Gat ta a hat á mbàd’id’a 28:8

Ma didina mi b’e vunam yam ahle suma kur avurei maginina, mba mi b’e vunam kagi kur sun nda lara ge pet ta agi mba lagizi kabogid’a, mba mi b’e vunam kagi kur ambas sa mam nga mi hagizid’a mi.

Sawal la giled’a 1:3

Mam mi d’igi agu ma a pum avun mbiyo ma laud’a ma nga mi vut ata yam ma vuta ma humam nga d’i lugot tuo na na. Ahlena pet suma nga mi lazina, mi fazi mi.