Sawal la giled’a 126:4 - Bible azumeina

⁴ Ma didina, ar ang hulongî ki mami suma a yozi magombina d’igi mbiyo ma mi djang abo ma sutnina na.

Sawal la giled’a 126:4 Referans Kwoze

Sawal la giled’a 85:4

Kur hur mang ma zala pî, ang hurung b’lengâ; kur ayî mang ma bibiliuna pî, ang hurung vat tei mi.

Isai 43:19

Gola! An nga ni le vama awilina. Ki tchetchemba, mi nga mi mba. Agi mba wum mbuo zu? An nga ni ge lovota hur fulâ, an nga ni gäluma yam andaga d’a so d’a gangrasa mi.

Isai 41:18

An mba ni gäluma yam yima ndingâ, an mba ni ge mbiyo ma laud’a angra ahuniyôna, an mba ni mbut hur fulâ apo d’a mbina, an mba ni mbut andaga d’a so d’a gangrasa yima djang mbina mi.

Isai 35:6

Suma dileîd’a a mba pir akulo d’igi dugiyona na, suma ndumîd’a a mba de zlad’a woi ki furîd’a, kayam mbina nga mi djang iram hur fulâ, toliyonda nga d’i djang irat abo ma Araba-na mi.

Sawal la giled’a 126:1

Ni sawal la suma a djak Jerusalem á lü vun tilîna a hlata. Kid’a Ma didina mi hulongî mam suma a yozi magombina avo Siyon-nda, ami djib’eremi ni d’igi adïd’a dami ni ndat na!

Josue 3:16

ata yi máma mbiyo ma nga mi djangî akulo yam ahinad’ina, mi tchola, mi tchol lei gongzong d’igi dadamana na, adigazi woi dei kazina hi Adam-ma, nazì ma ngol ma go ki Sartan-na. Mbiyo ma nga ni djang iram abona hapo d’a Matnid’a, mi wal lei aduk mbà. Israel-lâ a djak ngagad’a yam Jeriko d’ar.

Jeremi 29:14

Ma didina mi dala: An mba ni tak tan ndei iragiya, an mba ni buzugugï woi kur magomba, an mba ni togogi woi aduk andjaf suma pet ata yima lara ma an ndjoyôgi woi kuana, an mba ni hulongôgï ka hî ata yima an yogi ni igi magomba woi kuana. An Ma didina ni de na.

Jeremi 30:3

An Ma didina nga ni dangû, burâ nga mi mba, ni bur ma an mba ni hulongî man suma Israel-lâ ki man suma Juda-na woi kur magombina, an mba ni hulong ni mbazi ka hî yam ambas sa an hat mabuyozi ngolod’a, azi mba kak kat kua.