Sawal la giled’a 126:3 - Bible azumeina

³ Ma didina mi lahle suma ndandalâ ki sed’eya! Ei nga kur furîd’a!

Sawal la giled’a 126:3 Referans Kwoze

Wana ni Zla d’a Djivi d’a Luc mi b’irita 1:49

kayam Alo ma ad’engêm kal petna, mi le vama ngolâ kanu. Mam mi Ma bei tchod’a ba na.

Isai 66:14

Agi mba wahle ndazina, agi mba lagi furîd’a kaziya, asogogi mba mi hulong fad’enga d’igi asuna na. Ma didina mba mi tak ad’eng mamba woi mazungeî mama, wani mba mi tak ayî mam ma bibiliuna woi mi mam suma djangûna.

Vama ndum mbeina 12:10

Bugola, an hum del la ad’eng nga ti tcholï akulod’a, ti dan ala: Ki tchetchemba, suta kad’enga ki leud’a hAlo meinid’a kad’enga hi Christ mamid’a a mba wa, kayam ma tchuk zlad’a yam b’oziyoina avok Alo meina andjege ki faleina, a gumïya wa kä woi yam andagad’a da’.

Sawal la giled’a 31:19

Ar ang duk vun suma ka zla suma a nga de zla d’a tchod’a mi suma d’ingêrâ ki tum didi’â ki gol isina.

Sawal la giled’a 18:50

Kayam ndata, Ma didina, an mba ni suburung aduk andjaf suma, an mba ni gileng simiyêng ki sawala mi.

Wana ni Zla d’a Djivi d’a Luc mi b’irita 1:46

Marie ti dala: An nga ni gile Salad’a kurunu.

Isai 25:9

Kur bur máma a mba dala: Alo meina ba wana, ni mam ba, ei tini huri kamu. Ni mam ba, mi sud’iya. Ni Ma didina ba, ei tini huri kamu. Ar ei lei hur ma hapma, ar ei lei furîd’a yam sut mamba mi!

Sawal la giled’a 68:22

Gagazi, Alona mba mi wak yam mam suma djangûna woyo, mba mi wak asok yam sama nga mi i avogovok kur tcho mambina woyo.

Joel 2:20

An mba ni dik magi suma djangû suma abo ma norâ woi dei, an mba ni digizi gak ni izi hur fulâ yam andaga d’a so d’a gangrasa. An mba ni dik azigar mazi suma avo’â irazi abo ma ir apo d’a Matnina, an mba ni dik azigar mazi suma bugolâ irazi abo ma ir alum ma ngol ma Mediterane-na mi. Mad’azi mba mi bua, mba mi b’ik hisâ kä b’ib’ik. An mba ni lazi hina, kayamba azi lagi tchod’a ngola heîd’a.

Joel 2:21

Andagad’a, ar ndak le mandar ri, ndak le furîd’a kayam Ma didina mi lahle suma nglona!