Sawal la giled’a 123:4 - Bible azumeina

⁴ Ami ndagamiya wa abo sanda hi suma a nga las sumid’a, abo gol la suma yam mba ad’enga a nga golomi isa mi.

Sawal la giled’a 123:4 Referans Kwoze

Sawal la giled’a 119:51

Suma yam mba ad’enga a nga san ad’unu, wani an wal nga woi ki gat manga d’i.

Wana ni mbaktumba hi Job-pa 12:5

Ni zla d’a hohoud’a yam ma a golom isâ! Wana ni djib’era hi suma a nga kaka ki halasina. Azi nga de zla ndata ni mi suma asezi mi ka azlard’eid’ina.

Sunda hi suma a sunuzinid’a 17:32

Kid’a azi hum zla d’a de d’a yam tchola hi suma matnid’a, suma dingâ a lazamu. Wani suma dingâ a dum ala: Ami min hum zla ndata avunang kua.

1 Korente-na 4:13

Ata yima azi nga de zla d’a tchod’a kamina, ami nga dazi zlad’a ki lulumad’a. Gak ini, a nga golomi ni d’igi djimgilâ hi duniyad’ina na, d’igi vama ndjendjed’a na mi.

Sunda hi suma a sunuzinid’a 26:24

Kid’a Paul nga mi väd’u zla mambid’a, Festus mi de ki delem akulo ala: Paul, angî lilid’a, we mang nga heîd’a ti mbud’ung wa lilid’a.

Amos 6:1

Ni zla d’a hohoud’a yam agi suma nga kaka halas kur Siyon-na, yam agi suma nga kaka tchugot yam ahina d’a Samari-d’ina mi. Agi ni suma avok andjaf suma ma Israel-lâ a nga i gevem á hal ndjundina!

Jeremi 48:29

Ami humumi zla yam mba ad’enga hazì ma Mowap-ma d’a kal teglesa, ami humumi zla yam ad’eng mamba, zla subur ta mamba, zla tum didik mama, zla yam mba ad’eng nga kurum krovod’a mi.

Jeremi 48:11

Azì ma Mowap-ma ki gogorom dei mi ni kaka hina tchugot d’igi süm guguzlu ma mi nga tchola akulo yam haragak mambina na. A djogom nga vod’a woi kur dei ma ding ngi, a im nga magomba yam tu d’i. Ayâm nata yam hina en, hizim djok nga d’uo mi.

Isai 32:11

Agi arop suma nga kaka en na, agi lagi mandarâ! Agi arop suma nga kaka halasâ, agi zlagagiya! Agi fogogi baruna woi atagiya, aragi gandilad’a, agi djinigi d’i’â furugi mi.

Isai 32:9

Agi arop suma nga kaka hawa en na, agi tchologi akulo humundiya! Agi gro arop suma nga kaka halasâ, agi tinigi humagi humagi zla manda!

Wana ni mbaktumba hi Job-pa 16:4

Ladjï agi vragagi ni blangân anu ni, an pî ni ndak á de zlad’a d’igi agi na mi. An mba ni tok zla d’a de d’a hina d’a á dagagiya, an mba ni kidjik yan ad’ugi mi.

Nehemi 2:19

Wani ata yima Sanbalat ma Horon-na ki ndram ma sunda Tobiya ma Amon-na ki Gesem ma Arap-ma a hum hina na, a nde lazamiya, a golomi is, a dami ala: Agi lagi ni me hina ge? Agi tchologi ni huneîd’a kamulâ zu?

Sunda hi suma a sunuzinid’a 17:21

Kayam suma Aten-na pet kangoyogei suma a nga kaka adigazina, a le nga vama ding ngi, a ka’î á ded’a d’oze á hum zla d’a awili ndata hol.

Jeremi 48:27

Agi suma Mowap-ma, agi gologi Israel-lâ ni vama sanda iragi adjeu d’uo zu? Adjeu agi ndumuzi naduk suma kula, agi nga dagi zla mazid’a ni ki yam mba kidjika mi d’uo zu?

1 Samuel 17:42

Mi sisar David baba, mi golom is, kayam David ni gogorâ tua, ni sama afefetna, iram djif heî mi.