Sawal la giled’a 121:3 - Bible azumeina

³ Mam mba mi arang aseng mi ka azlard’eid’a d’i; mam ma ngomongâ nga mi bur sen ndi.

Sawal la giled’a 121:3 Referans Kwoze

Zla d’a d’ogolâ 3:26

Kayam ni Ma didina ba, mba mi hang hur ma ade’esâ, mba mi ngomong aseng ngala mi kal kur dauna d’uo d’a.

Zla d’a d’ogolâ 3:23

Hina wani, ang mba tit kur lovot manga bei mandarâ ba, aseng mba mi dap ata va d’uo mi.

1 Samuel 2:9

Mba mi ngom suma a nga ge yazi kä avoroma, wani suma bei hum vuna ba na, a mba ba woi kur nduvunda, kayam sana mi ndak á kus ayîna kad’eng mamba tata d’i.

Isai 27:3

Ni an Ma didina ba, ni ngomod’u, an nga ni vot mbina ad’ut burâ ki burâ, an nga ni ngomot andjege ki falei kayambala va mi lat tuo d’a.

Sawal la giled’a 91:12

A mba vang akulo kabozi kayambala ahinad’a ti dabang aseng nguo d’a.

Sawal la giled’a 127:1

Ni sawala hi Salomon nda suma a djak Jerusalem á lü vun tilîna a hlata. Le Ma didina mi min nga azina d’uo ni, suma min azina a tchi tazi ni hawa. Le Ma didina mi ngom nga azì ma ngolâ d’uo ni, suma a ngomoma a kak ndjola ni hawa mi.

1 Pierre 1:5

Ni kayam agi suma Alona nga mi ngomogi kad’eng mamba yam he gagazi magid’a, gak bur ma mam mba á sud’ugi woi kur bur ma dabid’ina.

Sawal la giled’a 66:9

Ni ma ngomei ei boi nga d’uo na, ni ma arei asei ka nga azlard’eid’a d’uo mi na.

Zla d’a d’ogolâ 2:8

á ngom lovota hi suma iratnid’a, á ngom tita hi mam suma d’engzengîd’a.

Sawal la giled’a 41:2

Sama nga mi le yam ma hohoud’ina mi le furîd’a, kayam Ma didina mba mi sud’um kur bur ma ndaka mba kama.

Sawal la giled’a 55:23

Ang tchuk ahle suma a hang djib’erina yam Ma didina, mam mba mi ndjunung á tchola, kayam mam nga mi ar sama d’ingêrâ á ka azlard’eid’a d’i.