Sawal la giled’a 119:5 - Bible azumeina

⁵ Ar tit manda ndak memet kayambala an ngom gat manga d’a.

Sawal la giled’a 119:5 Referans Kwoze

Sawal la giled’a 51:10

Ang dan zlad’a woi yam vat hurâ; an mba ni le furîd’a ki hur ma hapma, tan nda kus d’ad’ameîd’a mba d’i gra mi.

2 Tasaloni’â 3:5

Ar Salad’a mi minigi hurugi á le od’a yam Alona ki ve ta d’a Christ mi heizid’a.

Hebre-na 13:21

Ar Alona mi mbud’ugi suma ndak memetna yam sun nda djivi d’a lara ge pet á le min mamba. Ni ma nga mi le sun nda djivid’a kuri yam Jesus Christ á lum tam djivid’ina. Ni Jesus Christ ma ei suburum gak didina. Amin!

Jeremi 31:33

Ma didina mi de kua ala: Wana ni vun ma djin ma an mba ni djinim ki Israel-lâ bugol bur mámina: An mba ni tin gat manda kuruziya, an mba ni b’irit krovo kur mugulazi mi. An mba ni ka’î Alo mazina, azi mba ka’î sum mana mi.

Sawal la giled’a 119:36

Ang tinin hurun yam ahle suma fed’a d’i, wani ang tinin hurun ni yam vun mang ma hed’a.

Sawal la giled’a 119:32

An nga ni ring kur lovota hi vun mang ma hed’id’a, kayam ang b’lengên hurunu.

Sawal la giled’a 119:173

Ar ang mad’ï abong ang ndjununu, kayam an man ni gat manga.

Sawal la giled’a 119:159

Ma didina, ang wala an hurun ve gat manga; ang aran an kak ki iran yam o mang nga didinda.

Sawal la giled’a 119:131

An ngo vunan ndei hagak á hum zla manga, kayam vun mang ma hed’a zlam nga d’i lan heî.