Sawal la giled’a 119:47 - Bible azumeina

⁴⁷ An nga ni le furîd’a yam vun mang ma he ma an hurun vuma.

Sawal la giled’a 119:47 Referans Kwoze

Sawal la giled’a 119:48

An nga ni yo abon akulo á tchenda yam vun mang ma he ma an hurun vuma, an min ni djib’er yam gat manga mi.

Sawal la giled’a 119:97

Ni yan ga ba, an le yam gat manga ge? Ni ndat ba, an nga ni djib’er kat burâ ki burâ.

Sawal la giled’a 119:127

Ni kayam ndata ba, an min vun mang ma hed’a kal lora; gagazi, an minim kal lor ra kal teglesa.

Jean 4:34

Jesus mi dazi ala: Te mana ná le minda hi mam ma sununïna, ná ndak vun sun mamba mi.

Sawal la giled’a 119:16

An nga ni le furîd’a yam gat manga, an nga ni mar yam zla manga d’i.

Romê-na 7:22

An tan nga ni le furîd’a kurun krovo yam gata hAlonid’a.

Sawal la giled’a 119:174

Ma didina, an nga ni le d’od’oka yam sut manga, tan nga d’i lan djivid’a yam gat manga mi.

Sawal la giled’a 119:167

An nga ni ngom vun mang ma hed’a, hurun vum heî mi.

Sawal la giled’a 119:140

Vun mang ma hled’a ad’um mbi nde woi tetet. Ni kayam ndata ba, an azong mangâ nga ni le kamu.

Sawal la giled’a 112:1

Agi gilegi Ma didina! Sama nga mi le mandara Alonina, mi le furîd’a; sama tam nga d’i lum djivid’a yam vun mam ma hed’ina, mi le furîd’a mi.

1 Pierre 2:21

Ni kayam ndata ba, Alona mi yagi kiya, kayam Christ mi fe wa ndaka kagi da’. Mi aragi ni vama simata, kayam agi tid’igi balum asemu.

Romê-na 7:12

Hina, gata ni vama bei tchod’a ba na, vun ma hed’a ni vama bei tchod’a ba ma d’ingêr ma djivina mi.

Sawal la giled’a 119:24

Vun mang ma hed’a ni furî manda; ni mam ba, mi dan d’alâ.

Filip-ma 2:5

Ar agi kagagi ki djib’era hi Jesus Christ-sa kurugiya:

Romê-na 7:16

Wani le an le vama an minim mbuo na ni, an wala gata ni djivid’a.

Sawal la giled’a 119:113

An noî suma mbàmbàd’a woyo, wani hurun ve ni gat manga.

Sawal la giled’a 119:119

Ang nga yo suma asa’at suma yam andagad’ina woi d’igi a yo sud’o tchafa woi na. Kayam ndata, an nga ni le yam vun mang ma hed’a.

Sawal la giled’a 119:159

Ma didina, ang wala an hurun ve gat manga; ang aran an kak ki iran yam o mang nga didinda.

Sawal la giled’a 119:163

An noî zla d’a kad’a woyo, an golot ni vama ndjendjed’a, wani an hurun ve ni gat manga.