Sawal la giled’a 119:43 - Bible azumeina

⁴³ Ang pat zla d’a gagazid’a woi avunan ndi, kayam an nga ni djup sariya mang nga kad’a ki hur ma tinda.

Sawal la giled’a 119:43 Referans Kwoze

Sawal la giled’a 9:4

Man suma djangûna a didak kazigaziya, a hiram tak a puka avorongû.

1 Pierre 2:23

Ata yima a nguluma, mi hulong nga ngula balum mbi. Ata yima mi fe ndakina, mi ngop nga sa d’i, wani mi ar zla mamba abo Alo ma ka sariya d’a d’ingêrina.

Efes-sâ 1:13

Wani kid’a agi humugi zla d’a gagazid’a nala Zla d’a Djivi d’a sud’ugid’a, agi hagi gagazid’a yam Christ. Kayam ndata, Alona mi kagi geuna ki Muzuk mam ma bei tchod’a ba ma mi hle vunam kama.

Sawal la giled’a 119:175

Ar an kak ki iran á gilengû, ar sariya mang nga kad’a ti ndjunun mi.

Jacques 1:18

Kur min mamba mi hei arid’a yam zla mam mba gagazid’a, kayam ei mbud’i suma avo’â hahle suma mam lazina pet.

Sawal la giled’a 119:52

Ma didina, an nga ni djib’er yam sariya mang nga ka d’a dedeid’a, nga d’i b’lengên hurun mi.

Sawal la giled’a 119:13

Nga hur mang ma ndeï avunangâ, an mba ni ndumum mbei ki vunan tutu pet.

Sawal la giled’a 119:120

Hliwin nga mi zlak ki mandarâ djidjik avorongû, an nga ni ring mandara sariya mang nga kad’a mi.

Sawal la giled’a 50:16

Wani Alona mi de mi sama asa’atna ala: Ang ma noî ngop manda woina, ang ma tchuk zla manda woi kazigangâ, le ang ndum gat manda woi avok suma, le ang nga ki vun man ma djinda navunang go ni, djivi mata ni me ge?

Sawal la giled’a 43:1

Alo mana, ang kan sariya manda, ang ngomon abo andjaf suma bei we hohowa suma, ang prud’un ndei abo suma lemba ki suma mbut ira.

Sawal la giled’a 9:16

Andjaf suma bei wAlona a puk kä kur zul la azi tazi djugud’ota, asezi mi tchuk kur dau ma azi tazi ngeyem kä na.

Isai 59:21

Ma didina mi dala: Wana ni vun ma djin ma an djinim ki sed’egina: Muzuk mana mba mi kak kagiya, an mba ni tinigi zla manda avunagiya. Mba d’i wal lei ki sed’egi d’oze grogina d’oze grogi ngolona d’uo mi, arî hina gak didin. An Ma didina ni de na.

Sawal la giled’a 119:74

Suma a ringîng mandarangâ a wanu, a le furîd’a, kayam an tin hurun ni yam zla manga.

Sawal la giled’a 119:81

An kau wa abo djup pa an nga ni djup sut mangid’a, an tin hurun ni yam zla manga mi.

Sawal la giled’a 119:114

Angî yan ma ngeid’a, angî mbarei manda; an tin hurun ni yam zla manga.

Sawal la giled’a 119:147

Kid’a yina bei fo tua d’a, an nga ni yangû, an nga ni tin hurun yam zla manga.