Ami mba vami tami kur ayîna hi Ma didinina, kayam me ami lami tchod’a avoromu. Wani yina nga mi mba, mba mi ndjunumiya, mba mi kami sariya mamid’a mi. Mba mi ndami woi kur b’od’a, ami mba golomi d’ingêr mamba mi.
An ma tchuguzi akulona ni ma sib’ika. Simiyên ala Ma didin ma ad’engên kal petna. An mba ni ndjun kaziya, ambasa ti kak ki halasa, an mba ni mbut suma a nga kaka Babilon-na mandarâ mi.
Wani ang Ma didin ma ad’engêng kal petna, angî ma ka sariya ma d’ingêrâ, angî ma fek hur sana ki djib’era hi sanid’ina. An mba ni we atchugul la ang mba sazizid’a, kayam an ar zla manda nabongû.
Grona, an nga ni b’irigi ahle suma wana kayam me agi lagi tchod’a d’i. Le sa adigagi mi le tchod’a ni, ei nga ki Grangâ gen Abui Alona, nala, Jesus Christ ma d’ingêrâ.
Ni kayam ndata ba, Ma didina mi dala: Gola! An nga ni ndjun kagu, an mba ni sak atchugulugu, an mba ni so alum ma ngol ma Babilon-na woyo, an mba ni so mbiyo mat ma laud’a woi mi.
Ma didina mba mi le vama d’ingêrâ, mba mi kak ma ka sariyad’a, mba mi gola, mba mi ndjunun kur zla manda, mba mi ka’î ma ka sariya manda, mba mi sud’un ndei abong mi.