Sawal la giled’a 119:15 - Bible azumeina

¹⁵ An nga ni djib’er yam vun mang ma hed’a, iran nga tinda yam lovot manga mi.

Sawal la giled’a 119:15 Referans Kwoze

Jacques 1:25

Le sama gol gat ta ndak memet ta pad’ei woi kur magombid’a, le nga mi le sunda kad’u, le mi ni sama humut nga mi marat tuo wani mi ni sama le sunda katna ni, sa máma, Alona mba mi b’e vunam kam kur sun mam mba led’a.

Sawal la giled’a 119:148

Kur ler ra andjeged’a pet an nga kaka ki iran á djib’er yam vun mang ma hled’a.

Sawal la giled’a 119:97

Ni yan ga ba, an le yam gat manga ge? Ni ndat ba, an nga ni djib’er kat burâ ki burâ.

Sawal la giled’a 119:78

Ar suma yam mba ad’eng suma a nga lan ndaka bei ad’ut ba na, a mbut zulona, wani an nga ni djib’erî yam gat manga.

Sawal la giled’a 119:48

An nga ni yo abon akulo á tchenda yam vun mang ma he ma an hurun vuma, an min ni djib’er yam gat manga mi.

Sawal la giled’a 119:131

An ngo vunan ndei hagak á hum zla manga, kayam vun mang ma hed’a zlam nga d’i lan heî.

Sawal la giled’a 119:117

Ang ka’î ma ndjununa á sud’un ndala an tin djib’er manda yam gat manga tetewu d’a.

Sawal la giled’a 119:23

Le suma nglona a tok nga kä á de zla d’a tchod’a kan pî, an azong mangâ ni ngomî gat manga.

Sawal la giled’a 119:6

Hina wani, ata yima an mba ni djib’er yam vun mang ma hed’a petna, zulona mba mi lan ndi.

Ad’u Tinda 24:63

Bur tu mi nde woi abagei kel fladege á djib’era, mi hle iram akulo, mi we djambala nga d’i djïya.

Sawal la giled’a 119:99

Ne manda ti kal la hi suma a had’anid’a pet, kayam an nga ni djib’er yam vun mang ma hed’a.