Sawal la giled’a 119:104 - Bible azumeina

¹⁰⁴ Ni yam gat manga ba, an mbut sama d’alâ. Ni kayam ndata ba, an nga ni noî zla d’a kad’a woi pet wana.

Sawal la giled’a 119:104 Referans Kwoze

Sawal la giled’a 119:128

An gol gat manga pet ni d’ingêr. Ni kayam ndat ba, an nga ni noî zla d’a kad’a woi pet wana.

Zla d’a d’ogolâ 8:13

Le mandara Ma didina ni lovot ta noî tchod’a. Yam mba ad’enga, subur tad’a, tit ta tchod’a ki zla d’a de d’a ata yat tuo d’a nahle suma an minizi d’uo na.

Zla d’a d’ogolâ 14:12

Ata yima dingâ sana nga mi djib’er ala tit mamba ni djivid’a. Wani dabid’a ti imî kur matna.

Sawal la giled’a 119:98

Vun mang ma hed’a nga mi han ned’a kal man suma djangûna, kayam an nga ki sed’em teteu.

Sawal la giled’a 97:10

Agi suma lagi yam Ma didinina, agi noyôgi tchod’a woyo! Mam nga mi ngom arid’a hi mam suma d’engzengîd’a, nga mi prud’uzi woi abo suma asa’atna mi.

Romê-na 12:9

Ar o magid’a ti ka’î od’a bei lop ira. Ar agi noyôgi tchod’a woyo, ar agi vagi ahle suma djivina ad’enga.

Sawal la giled’a 119:100

D’al mana mi kal ma hi suma momorogeinina, kayam an nga ni ngom gat manga.

Sawal la giled’a 101:3

An mba ni tin iran yam vama tcho tu d’i. An noî sunda hi suma a hulong á tuwal fileinina woyo, an mba ni zlap ki sed’ezi d’i.

Matiye 7:13

Jesus mi had’azi kua ala: Agi kalagi ata vun agrek ma mbed’etna, kayam vun agre’â azi ki lovot ta i ata yima bad’id’a ti ni bubud’a, suma a kal i kuana a nablaud’a mi.

Amos 5:15

Ar agi noyôgi tchod’a woyo, agi lagi yam djivid’a, ar agi tinigi sariya d’a d’ingêra. Hina wani, dam Ma didina Alo ma ad’engêm kal petna mba mi we hohowa andjafâ hi Josef ma arâ kla.

Sawal la giled’a 36:4

Zla d’a de d’a ndavunamba ni zla d’a kad’a ki lop ira, ne d’a tinim á le sun nda djivid’id’a, mi wal tam mbei ki sed’ed’u.

Wana ni mbaktumba hi Job-pa 32:9

Nga ni biza d’a ablaud’a ba, ti mbut sana ma ned’a d’i; nga ni mamara ba, ti mbut sana ma wad’ud’a á ka sariya d’a d’ingêra d’uo mi.

Sawal la giled’a 119:34

Ang han ned’a kayambala an tit yam gat manga, an ngomot ki hurun pet mi d’a.

Sawal la giled’a 119:163

An noî zla d’a kad’a woyo, an golot ni vama ndjendjed’a, wani an hurun ve ni gat manga.