Sawal la giled’a 119:102 - Bible azumeina

¹⁰² An nga ni wal lei ki nga hur mangâ d’i, kayam ni ang ba, nga had’anu.

Sawal la giled’a 119:102 Referans Kwoze

Sawal la giled’a 18:21

Ma didina mi lan djivid’a ni yam d’ingêr manda, mi hulong lan djivid’a ni kayamba abon do nga vama tcho d’uo d’a.

1 Jean 2:27

Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.

1 Tasaloni’â 2:13

Kayam ndata, ami nga lami mersi mAlona teteu kayamba agi vagi zlad’a hAlona d’a ami tchagizi walata, nga d’igi zlad’a hi sumid’a na d’i, wani d’igi zlad’a hAlona d’a gagazid’a na. Kayam zla ndata nga d’i le sunda kur agi suma hagi gagazid’ina.

Zla d’a d’ogolâ 5:7

Gorona, ki tchetchemba, ang hum zla manda, ang wal lei ki zla d’a an nga ni dangzid’a d’i.

1 Jean 2:19

Gagazi, sum ndazina a nga ni meina d’i. Ni kayam ndata ba, azi wal ki sed’ei wana. Ladjï azi nga ni meina ni, azi nga ni kaka ki sed’eya. Wani azi wal wa ki sed’eya, kayam ei wei tetet ala azi nga ni meina d’i.

Jeremi 32:40

An mba ni djin vun Ma djin ma didina ki sed’eziya, an mba ni wal lei ki sed’ezi d’i. An mba ni lazi djivid’a, an mba ni kal mandar mana kuruziya, kayambala azi wal lei ki sed’en nduo d’angû d’a.

Wana ni mbaktumba hi Job-pa 36:22

Elihu mi de kua ala: Gola! Alona nga mi tak kal papa mamba woi kur ad’eng mamba. Ni nge ba, mba mi we á hat suma d’igi mam na ge?