Sawal la giled’a 119:1 - Bible azumeina

¹ Suma a nga tit kur lovot mazi d’a d’ingêr suma a nga tit yam gata hi Ma didinid’a a le furîd’a.

Sawal la giled’a 119:1 Referans Kwoze

Wana ni Zla d’a Djivi d’a Luc mi b’irita 11:28

Wani Jesus mi hulong dat ala: Suma a nga hum zlad’a hAlonid’a a nga ge yazi kä ad’utna, a mba le furîd’a kala.

Ezekiyel 11:20

tala agi tid’igi yam gat manda, agi ngomogi vun man ma hed’a mi d’a. Hina wani, agi mba mbud’ugi sum mana, an mba ni arî Alo magina mi.

Jacques 1:25

Le sama gol gat ta ndak memet ta pad’ei woi kur magombid’a, le nga mi le sunda kad’u, le mi ni sama humut nga mi marat tuo wani mi ni sama le sunda katna ni, sa máma, Alona mba mi b’e vunam kam kur sun mam mba led’a.

Sawal la giled’a 128:1

Ni sawal la suma a djak Jerusalem á lü vun tilîna a hlata. Sama ring mandara Ma didina ma tit kur lovot mamba mi na, mi le furîd’a.

Jean 13:17

Le agi wagi ahle ndazina, le agi lagi sunda kazi mi ni, agi lagi furîd’a.

Wana ni Zla d’a Djivi d’a Luc mi b’irita 1:6

Azi djak ni suma d’ingêrâ avok Alona, a ge yazi kä ad’u gata ki vun ma hed’a hi Salad’ina pet.

Sawal la giled’a 112:1

Agi gilegi Ma didina! Sama nga mi le mandara Alonina, mi le furîd’a; sama tam nga d’i lum djivid’a yam vun mam ma hed’ina, mi le furîd’a mi.

Zla d’a d’ogolâ 11:20

Suma huruzi tchod’ina a ni vama ndjendjed’a ir Ma didina, wani suma lovot mazid’a d’ingêrâ a ni vama djivina iram mi.

Sunda hi suma a sunuzinid’a 24:16

Kayam ndata, an nga ni b’at tan teteu á kak ki djib’er ra tchod’a kurun avok Alona d’oze avok suma d’uo mi.

Sawal la giled’a 101:2

An mba ni kak tchugot á hum zla d’a suma d’engzengâ a data. Ni mindja ba, ang mba mba kan nge? An mba ni tit yam gagazi d’a kurunda avo huraziyanu.

Wana ni mbaktumba hi Oze-d’a 14:9

Ar sama ned’a mi hum ad’u zlad’a hi Oze-d’a, ar sama wad’ud’a mi wäd’u zla ndata, kayam lovota hi Ma didinid’a ni d’ingêr. Suma d’ingêrâ a mba tit kua, wani suma bei hum vuna a mba puk kä.

Vama ndum mbeina 22:14

Suma a nga mbus baru mazid’a a mba le furîd’a. Ni azi ba, mba fe lovota á te vud’agu ma he arid’ina, a mba kal ata vun azì ma ngol máma krovo mi.

Sawal la giled’a 101:6

An mba ni tin iran yam suma d’engzeng suma yam ambasina, kayam azi kak gevenu; sama nga mi tit tit ta iratina ni mam ba, mba mi lan sunda.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Jean 1:47

Kid’a Jesus mi we Natanayel nga mi djï gevemba, mi de kam ala: Agi gologi ma Israel ma gagazi ma bei mbut ira kurum ba na.

Wana ni mbaktumba hi Job-pa 1:8

Ma didina mi de mi Seitan ala: Ang we ni me ata azong mana Job ke? Sama yam andagad’a d’igi mam na na nga d’i. Ni sama iratna, ni sama d’engzengâ mi. Ni sama le mandara an Alonina, ni sama nga mi min tchod’a d’uo mi na.

Wana ni mbaktumba hi Job-pa 1:1

Adjeu sana nga kur andaga d’a Us-sa, a yum ala Job. Ni sama iratna, ni sama d’engzengâ mi. Ni sama nga mi le mandara Alona, ni sama nga mi min tchod’a d’uo mi na.

2 Amuleina 20:3

Ma didina, ang djib’er yam tit ta an nga ni tit avorong memet ki hur ma tuna burâ ki burîd’a; an nga ni le sun nda djivid’a avorong burâ ki burâ mi. Ezekiyas mi tchi ngola.

Zla d’a d’ogolâ 13:6

D’ingêra nga d’i ngom sama tit kur lovot ta iratina, wani asa’ata nga d’i ba sama le tchod’a woyo.

2 Samuel 22:22

Kayam an nga ni tit kur lovota hi Ma didinid’a an le nga asa’ata avok Alo mana d’i.

Zla d’a d’ogolâ 29:18

Ata yima sama mi de zlad’a woi yam vama ndum mbeina nga d’uo na, suma a tit ni kur batranga, wani sama nga mi ngom gata hAlonid’ina, mi le furîd’a.