Sawal la giled’a 118:7 - Bible azumeina

⁷ Ma didina ni man ma ndjununa; an mba ni we kus sa Ma didina mi kus yam suma a noyônid’a.

Sawal la giled’a 118:7 Referans Kwoze

Sawal la giled’a 59:10

Alona, ang nad’eng manda, an tin iran ni kang angû, kayam angî yi man ma ngeid’a.

Sawal la giled’a 54:4

Alo mana, ang hum tchen manda, ang tin humang á hum zla d’a ndavunanda,

Sawal la giled’a 54:7

Ar tchod’a hulong yam man suma djangûna; yam gagazi manga, ang duguzi vunaziya.

Sawal la giled’a 55:18

Yorogo, faleya ki fladege, an nga ni tchenem tchen nda hohoud’a; mam nga mi humun mi.

Sawal la giled’a 112:8

Mi nga mi tchol ngingring, nga mi ring mandar ri gak mi we kus sa yam mam suma djangûnid’a.

Sawal la giled’a 92:11

Ang mbud’un ad’enga d’igi avüna na, ang von mbul ma furîd’a kanu.

1 Sunda Hamuleinid’a 12:18

Muzu’â hAlonina mi surop yam Amasai ma mbut ma ngolâ hi suma dok hindi ndazinina, mi de ki delem akulo ala: David, ami ni sum mangâ! Ami imi nad’ung ang Jesse goroma! Ar va mi lang ngi! Suma a ndjunungâ, va mi lazi d’uo mi! Kayam Alona mi ndjunung wa da’! David mi vazi atamu, mi tinizi nglod’a yam sum mama.

Sawal la giled’a 54:6

Wani Alo mana, ang nga ndjununu; Ma didina, ang nga siran ngingring mi.

Sawal la giled’a 59:11

Alo man ma od’a nga mi djï avoronu, mi tagan suma a nga kud’uguna.

Isai 41:13

Kayam an ni Ma didina Alo magi ma ni vagi abogi ma ndjufâ akulona, an nga ni dagiya: Agi lagi mandar ri! An nga ni mba á ndjunugiya.