Sawal la giled’a 117:1 - Bible azumeina

¹ Agi andjaf suma pet, agi gilegi Ma didina! Agi suma pet, agi suburumu!

Sawal la giled’a 117:1 Referans Kwoze

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.

Romê-na 15:11

Ti de kua ala: Agi andjaf suma pet, agi gilegi Ma didina. Agi suma pet, agi gilemu.

Sawal la giled’a 67:3

Hina wani, suma yam andagad’ina pet a mba we min manga; andjaf suma pet a mba wala angî ma sut suma.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.

Sawal la giled’a 66:1

Ni sawal la gile d’a a hlat a hat mi ma ngolâ hi suma hle sawalina. Agi suma yam andagad’ina pet, agi suburugi Alona.

Sawal la giled’a 86:9

Salad’a, andjaf suma ang lazina pet, a mba grif kä avorongû, a mba suburung simiyêng mi.

Sawal la giled’a 66:4

Suma yam andagad’ina pet a grif kä, a gileng ki sawala, a gileng simiyêng mi. Tchol ndjö

Sawal la giled’a 150:6

Ar ahle suma a nga muzu’â pet a gile Ma didina! Agi gilegi Ma didina!