Sawal la giled’a 116:7 - Bible azumeina

⁷ An min hulong ata yi man ma tuk tad’a, kayam Ma didina, mi lan djivid’a.

Sawal la giled’a 116:7 Referans Kwoze

Sawal la giled’a 13:6

Wani an nga ni deng tan yam djivi manga, an nga ni le furîd’a kurun krovo yam sut manga, an nga ni gileng ki sawala yam djivi d’a ang landjid’a mi.

Jeremi 30:10

Ma didina mi dala: Agi suma hi Jakob-ma, azungeî mana, agi lagi mandar ri. Agi suma hi Israel-lîna, agi zlagagi d’i! Gola! An mba ni sud’ugï woi kur andaga d’a deid’a, an mba ni sut andjavagi woi kur ambas sa a yozi magomba kuad’a. Agi suma hi Jakob-ma, agi mba hulongôgïya, agi mba kagagi ki halasa ki tchugota bei va mi mbud’ugi mandar ba!

Jeremi 6:16

Ma didina mi de kua ala: Agi i tchologi avun lovota, agi gologiya, agi dagi tagi yam lovot ta adjeud’a ala: Lovot ta djivid’a ni d’a lara ge? Agi tid’igi kuru. Hina wani, agi mba fagi tuk tad’a. Wani azi hulong dala: Ami min tid’imi kur ri.

Sawal la giled’a 119:17

Ang lan an azong mangâ djivid’a, kayam an kak karid’a, an ngom zla manga mi.

Sawal la giled’a 95:11

Ni na ba, kur hur man ma zala an gun tan ala: Azi mba kal kur ambas sa an nga hazizi á tuk tazi kuad’a d’i.

Wana ni mbaktumba hi Oze-d’a 2:7

kayam asuzi natcha d’a gaulangâ, ta vud’uzid’a ti le nahle suma zulona. Nga d’i dala: An ringî bugol buniyôn suma a nga han te mana ki mbiyo manina, ni suma a nga han tumus tumiyô mana ki baru man nda luluîd’a ki mbul mana ki süm guguzlu mandina mi.