Sawal la giled’a 116:6 - Bible azumeina

⁶ Ma didina nga mi ngom suma lulumana. An mbut amangeîd’a, wani mi sud’un ndeyo.

Sawal la giled’a 116:6 Referans Kwoze

Sawal la giled’a 142:6

Ma didina, an nga ni yangî angû, an nga ni dala: Angî yi man ma ngeid’a, angî b’rau manda aduk suma a nga ki irazi yam andagad’ina.

Sawal la giled’a 19:7

Ti ndeï avun dabid’a hakulod’id’a, gak ti i avun dabi d’a abo hî d’a; vama mi ngei tam abo huwak matina nga d’uo mi.

Matiye 11:25

Ata yi máma, Jesus mi hulong dala: Abun ma Sala akulod’a kandagad’ina, an lang mersi, kayam ang ngei ahle suma wana woi ir suma ned’a ki suma wed’a, wani ang tagazi woi mi gugureina.

Sawal la giled’a 79:8

Ar ang tinimi tchod’a habuyomi ngolod’a kami d’i, wani yam o manga ang mbei gevemiya. Ang le lilinga d’i, kayam ami mbud’umi wa amangeîd’a.

Sawal la giled’a 25:21

An tin hurun ni kang angû; ang ngomon kur d’engzenga ki d’ingêra.

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Kolos-sâ 3:22

Agi magumeina, agi humugi zlad’a hi suliyogi suma yam andagad’a ka hina kur ahlena pet. Agi lagi ni ir suma á lazi tazi djivid’a go d’i, wani agi lagi ni ki hurugi pet yam mandarâ hi Salad’ina.

2 Korente-na 11:3

Wani an nga ni le mandarâ kagiya. Ar djib’er magid’a ti b’lak ki, ar agi walagi djin magi d’a d’engzeng nga yed’et ta ki Christ-sa woi d’igi guguina mi lop Ef ki lem mamba na d’i.

2 Korente-na 1:12

Ami nga suburumi tami yam djib’er ra kurumi d’a nga d’i le glangâsâ kami yam tit mamid’a avok suma duniyad’id’a, kal pet navok agiya. Ami nga tid’imi ni tit ta luluma d’a bei lop ir ra tcholï ata Alonid’a. Ami nga tid’imi ni yam ned’a hi sumid’a d’i, wani nad’u ad’enga hi sumad’a hAlonid’a.

Romê-na 16:19

Suma pet a wala agi nga gagi yagi kä ad’u Salad’a. Kayam ndata, an nga ni le furîd’a kagiya, wani an min ala ar agi kagagi ki ned’a á lahle suma djivina, ar agi walagi woi kahle suma tchona mi.

Sawal la giled’a 106:43

Ma didina mi prud’uzi woi yam ablaud’a, wani azi i avogovok kur so vun mazina, azi rot kä kur tchila mazid’a.