Sawal la giled’a 116:11 - Bible azumeina

¹¹ Kur tcha tata manda an dala: Suma pet ni suma ka zlad’a.

Sawal la giled’a 116:11 Referans Kwoze

Romê-na 3:4

Nga na d’i! Le suma pet ni suma ka zlad’a pî, Alona ni Ma gagazina. Kayam zlad’a hAlonid’a ti dala: Suma a mba wang Ma d’ingêrâ nata zla mang nga ded’a. Le azi mbang ata yima ka sariyad’a ni, ang mba kus kaziya.

Sawal la giled’a 31:22

An nga ni subur Ma didina! Ata yima man suma djangûna a nguyun d’igi azì ma ngol ma a nguyum ki gulumun ma ad’eng ma ngunguna na na, mi tagan djivi mamba.

Sawal la giled’a 62:9

Agi suma, agi tinigi hurugi kam kur atchogoi d’a lara ge pet, agi dagizi zla d’a kurugid’a, kayam mam mi yi mei ma ngeid’a. Tchol ndjö

2 Amuleina 4:16

Elise mi dat ala: Dama hina dedege wani, ndak mba d’i ve gorâ abogu. Wani ti dum ala: Hawa! Salana, nga na d’i! Angî sana hAlonina, ang dan zla d’a kad’a hina d’i!

1 Samuel 27:1

David mi de kurum ala: Bur tu Saul mba mi tchanu. Vama djivi nga kan ka hî d’i; hotei an i yam ambas sa Filistê-d’a á sut tanu. Hina wani, Saul mba mi aran bei hala yam ambas sa Israel-la. Hina wani, an mba ni sut tei abomu.

Sawal la giled’a 12:2

Ma didina, ang ndjunumiya! Sama d’engzeng nga d’uo d’a, suma d’ingêrâ a nga dap pei aduk suma.

Sawal la giled’a 12:3

Suma a nga de tazi zla d’a kad’a, zla d’a avunazid’a ni mbulâ, azi ni suma mbàmbàd’a mi.