Sawal la giled’a 115:4 - Bible azumeina

⁴ Wani alo mazina, a lazi ni ki kawei ma hapma ki lora; ni sun nda sana mi lat kabomba.

Sawal la giled’a 115:4 Referans Kwoze

Gat ta a hat á mbàd’id’a 4:28

Ata yi máma agi mba kud’urogi alo ma suma a lum kabozina, nala, aguna d’oze ahinad’a, nalo ma ndak á we d’oze á hum mboze á te va d’oze á his va d’uo na mi.

Isai 44:10

Ni nge ba, mi min alo ma dingâ d’oze mi yor fileina tala mi fe va kua d’uo d’a ge?

Sunda hi suma a sunuzinid’a 19:26

Agi wagiya, agi humugi mi, ni kur Efes hol li, wani ar go kur ambas sa Asi-d’a pet, Paul máma mi kal yam suma. Mi mbut hur suma kä ngola, nga mi dazi ala: Alo ma suma lum kabozina nalona d’i.

Isai 37:19

A tchuguzi alo mazina aduk akud’a, kayam mam nga nalo ma gagazina d’i, wani nahle suma a minizi kabozina, naguna kahinad’a. A b’lagazi woyo.

Sunda hi suma a sunuzinid’a 19:35

Ata yi máma, ma b’ir mbaktum ma hur azinina, mi seng ablau suma. Mi dazi ala: Agi suma Efes-sâ, suma pet a wala azì ma ngol ma Efes-sâ ni ma ngom gong nga ngola hi Artemis-sa ki vama hle tam d’igi ndat na ma mi ndeï kä yam andagad’ina.

Wana ni mbaktumba hi Oze-d’a 8:6

Wani amuhl ma agi yoroma ni sun nda sama d’alâ mi lata, nga nalona d’i. Ni kayam ndata ba, a mba to amuhl magi máma woi kikizek.

Sawal la giled’a 97:7

Suma a nga kud’or fileinina ki suma a subur tazi kama pet a mba mbut zulona, alona pet mi grif kä avok Ma didina mi.

Isai 44:20

Mi tin hurumî yam butna, djib’er mam mba kurumba vid’im mbeyo. Mi ndak á prut tam mbei d’i, nga mi de d’ala vama abon wana ni vama hawa ya’â d’uo zi ge d’a d’uo mi.

Isai 42:17

Suma a tin huruzi yam fileina ki suma a nga de mi kawei ma yora ala: Agi nalo mamina na, a mba didak bugolo, a mba mang ngei abo zulona mi.

2 Amuleina 19:18

A tchuguzi alo mazina aduk akud’a, kayam mam nga nalo ma gagazina d’i, wani nahle suma suma a minizi kabozina, naguna kahinad’a hawa. A b’lagazi woyo.

1 Amuleina 18:26

A vamuhl ma a hazizina, a minim yam yima ngal ahle suma ngat buzuna, a nde tchen Bäl ki yorogo dei, a nga er ad’uzi akulo ala: Bäl, Bäl, ang hulongômi humba! A le gak afata tchol faleya. Wani sama hulongôzi zla tu pî nga d’i. Wani azi nga pir akulo, a nga pir akulo, a nga ngui yima ngal ahle suma ngat buzu ma azi minima.

1 Amuleina 18:29

Kid’a afata leng da d’a, azi nga yi Bäl akulo kua, azi tchi ki hur ma hata gak fladege d’a azi hahle suma ngat buzuna kuad’a, wani sa hulongôzi nga zlad’a de tu d’oze vama simat tu d’uo.

2 Sunda Hamuleinid’a 32:19

A nga de zlad’a yam Alo ma Jerusalem-ma d’igi a nga de zlad’a yam alo ma tetengâ hi suma yam andagad’a ma sana mi lum kaboma na.

Isai 44:9

Suma a min fileinina pet a ni va d’i, sun mazi d’a djif ndata nga d’i lazi va d’uo mi. Azi ni glangâsâ hi filei mazi máma, wani a nga we d’i, a nga wäd’u zla d’uo, a mba mbut zulona mi.

Daniel 3:5

Ata yima agi humugi tchina hadifina, hi taulâd’ina, hadingîna, hi daliyâd’ina, hi gangad’ina ki tchina hahle suma bu suma hle sawala tetengâ, agi grivigi kä andaga á kud’or filei ma yor ma lor ma amulâ Nebukanezar mi tinim akulona.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.