Sawal la giled’a 113:9 - Bible azumeina

⁹ Mi hatcha d’a gendreged’a azì ma kaka, mi mbud’ut atcha d’a furîd’a aduk grotna. Agi gilegi Ma didina!

Sawal la giled’a 113:9 Referans Kwoze

Sawal la giled’a 68:6

Alo ma nga kaka kä ata yam ma mi tinim iram vamina nabu suma hokuyod’a, ni ma ndjun arop suma modonod’ina mi.

1 Samuel 2:5

Suma a hopma a nga hal sunda á fe te mazina, wani suma meid’a nga d’i tchazina va ndolozi nga ki sunda d’i, a nga tuk taziya. Atcha d’a gendreged’a nga d’i vut yat kid’iziya, wani d’a vut grona ablaud’id’a, ti ka bei vuta.

Isai 54:1

Ndak Jerusalem, ndak ka b’al gendreged’a bei vutid’a, ndak le furîd’a; Ndak ka vuta ti lak nga yat tu d’uo d’a, ndak er ad’uk akulo ki furîd’a, ndak tchayîd’a; kayam Ma didina nga mi dak ala: Ndak atcha d’a digik keid’a, ndak nga ki grona kal atcha d’a ndjuvut mi le kat heîd’a.

Galat-na 4:27

D’igi mbaktumba hAlonid’a ti de na ala: Ndak ka b’al gendreged’a bei vutid’a, ndak le furîd’a; ndak ka ndak ka vuta ti lak nga yat tu d’uo d’a, ndak tchayîd’a; kayam ndak atcha d’a digik keid’a, ndak nga ki grotna kal atcha d’a nga ki mandjufîd’a.

Ad’u Tinda 25:21

Isak mi tchen Ma didina yam amamba, kayam ndat ni gendreged’a. Ma didina mi hum tchen mamba; amamba Rebeka ti ve wirâ.

Ndumba 5:28

Wani le d’i b’lak nga tat tuo, ti ni yed’ed’u ni, va mba mi lat kur gun mata d’i, ti mba d’i vut grona hawa mi.

2 Amuleina 4:17

Wani atcha ndata ti ve wirâ, tcha dama blangâtna hina dedege ti vut gorâ d’igi Elise mi dat na mi.