Sawal la giled’a 112:10 - Bible azumeina

¹⁰ Sama asa’atna mba mi we hina wani, mba mi ka guruta, mba mi mut siyamu, ad’engêm mba d’i dap pei mi. Suma asa’atna, min mazid’a mba d’i kal leyo.

Sawal la giled’a 112:10 Referans Kwoze

Wana ni Zla d’a Djivi d’a Luc mi b’irita 13:28

Agi mba tchigiya, agi mba mud’ugi siyagi ata yima agi mba wagi Abraham azi ki Isak ki Jakob ki suma djok vun Alona pet suma a nga kur leud’a hAlonid’ina, wani agi tagid’a a mba tchugugi woi abua.

Zla d’a d’ogolâ 11:7

Ata yima sama asa’atna mi mitna, hur mam ma tinda mi dap mi woi mi, tin hurâ hi suma tchonina a mba b’lagam mbeyo.

Zla d’a d’ogolâ 10:28

Hur ma tinda hi suma d’ingêrîna ni furîd’a, wani hur ma tinda hi suma asa’atnina mba mi dap pei hawa.

Sawal la giled’a 86:17

Ang le vama tak ma djivina kanu; ar man suma djangûna a we, a mbut zulona, kayam ang Ma didina ni ma ndjununa, angî ma b’lengên huruna mi.

Sawal la giled’a 37:12

Sama asa’atna nga mi djib’er kurum á le sama d’ingêrâ tchod’a, mi et siyam atam mi.

Wana ni mbaktumba hi Job-pa 8:13

Wana ni dabid’a hi suma a mar yam Alonina pet. Tin hurâ hi suma tchonina mba mi dap pei mi.

Matiye 22:13

Ata yi máma, amulâ mi de mazungeî mama ala: Agi djinigizi asem kabomu, agi gumza abu woi kur nduvunda; ni yima suma a mba tchi a mba mut siyazi kua ngolina.

Matiye 8:12

Wani sumala leud’a ni mazid’a na, a mba tchuguzi woi abu kur nduvunda; sä kua a mba tchiya, a mba mut siyazi mi.

Nehemi 2:10

Kid’a Sanbalat ma Horon-na ki ndram ma sunda Tobiya ma Amon-na a hum zla ndatid’a, huruzi zal ngola, kayam an mba á hal djivid’a hi Israel-lîd’a.

Wana ni mbaktumba hi Job-pa 20:7

mam mba mi ba woi ki iram fafat d’igi sud’om na. Suma a wum adjeuna a mba dala: Mi nga ni lara ge?