Sawal la giled’a 11:7 - Bible azumeina

⁷ Ma didina ni ma d’ingêrâ, mi min ni sun nda d’ingêra mi; suma d’ingêrâ a mba wum iram mi.

Sawal la giled’a 11:7 Referans Kwoze

Vama ndum mbeina 22:4

Azi mba wum iramu, simiyêm nga b’ira avorozi mi.

Sawal la giled’a 17:15

Wani anu, yam d’ingêr manda, an mba ni wang irangû; ata yima an mba ni zlit akulona, an mba ni golong tatâ ni hop van hop.

1 Pierre 3:12

Kayam Ma didina iram nga tinda yam suma d’ingêrâ, nga mi hum tchen mazid’a mi. Wani mi nga mi mbut azigam mi suma le tchod’a.

Sawal la giled’a 45:7

Alona, zlam mang nga amula ni d’a gak didinda. Ang nga te leu manga ni ki d’ingêra.

Wana ni mbaktumba hi Job-pa 36:7

Nga mi hle iram mbei yam suma d’ingêrâ d’i, nga mi tinizi amula zlapa kamuleina, mi tinizi á kak didin tala a subur taziya d’a.

1 Jean 3:2

Buniyôn suma od’a, ki tchetchemba, ei nAlona groma. Ei wei nga d’uo tua ei mba mbud’i ni nana, wani ei wei ala fata Christ mi nde woid’a, ei mba mbud’i dedege d’igi mam na, kayam ei mba wum mbei tetet.

Sawal la giled’a 42:5

Wani an nga ki djib’era ki hur ma hata ata yima an nga ni i adjeu ki suma ablaud’a kur gonga hAlonid’a kur bur ma vun tilâ á suburum á lum mersina.

Sawal la giled’a 34:15

mi wal lei ki tchod’a, mi le ni djivid’a; mi hal b’leng nga halasa, mi tit blogot mi.

Sawal la giled’a 33:18

Wani Ma didina iram nga tinda yam suma a lum mandarama, yam suma tin huruzi yam o mam mba didinda

Sawal la giled’a 99:4

Ar azi gileng ang amul ma min d’ingêrina. Ni ang ba, tin d’ingêra ki sariya d’a ka d’a irata aduk andjafa hi Jakob-ma mi.

Sawal la giled’a 33:5

Hurum ve ni d’ingêra ki gagazid’a; od’a hi Ma didinid’a ti oî yam andagad’a.

Sawal la giled’a 21:6

Kayam ndjun manga, subur mamba ti kal ngola, ang hum ngola, zlam nde yina mi.

Sawal la giled’a 5:12

Ar suma a deng tazi atangâ pet a le furîd’a; ar azi le hur ma hapma burâ ki burâ, kayam ang nga ngomoziya; ar suma a le yam simiyêngâ a le furîd’a kangû.

Isai 61:8

Kayam an Ma didina ni min ni sariya d’a ka d’a d’ingêra, wani an noî hurumba ki sun nda tchod’a woyo. Gagazi, an mba ni wuragazi ngad’a yam sun mazi d’a azi lata, an mba ni djin vunan ki sed’ezi djin nda didinda.

Sawal la giled’a 146:8

nga mi mal ir suma duka woyo, nga mi d’op suma gun kä na woyo, nga mi le yam suma d’ingêrâ mi.

Sawal la giled’a 7:9

Ma didina, ang ka sariyad’a yam andjaf suma; Ma didina, ang le glangâsâ yam d’ingêr manda, yam vama abon dom nga d’uo na mi.

Sawal la giled’a 7:11

Alona ni mbarei man nda ngomonda, ni ma sut suma a humum vunama.

Sawal la giled’a 37:28

Kayam Ma didina mi min ni d’ingêra, nga mi ar mam suma d’engzengâ woi d’i. Nga mi ngomozi burâ ki burâ, wani andjafâ hi suma asa’atnina, a mba tchazi woyo.

Sawal la giled’a 45:8

Ang min ni d’ingêra, ang noî asa’ata. Ni kayam ndata ba, Alona, Alo mangâ mi manangû, mi vong mbul ma furîd’a kangû, mi hang yima hud’a kal ndrongâ mi.

Zla d’a d’ogolâ 15:9

Tita hi sama asa’atnid’a ni vama ndjendjed’a ir Ma didina, wani nga mi le yam sama nga mi tit yam d’ingêrina.