Sawal la giled’a 108:13 - Bible azumeina

¹³ Ang mbeï ndjunumiya, ang dur mami suma djangûna, kayam ndjunda hi sanid’a ndak va d’i.

Sawal la giled’a 108:13 Referans Kwoze

Sawal la giled’a 60:12

Ni ang Alo ma arami woina, ni ang ma i nga ki b’rang mamid’a avun ayîna d’uo na d’uo zu?

2 Korente-na 2:14

An le mersi mAlo ma mi yomi d’igi azigar suma a yozi avun ayînina na ad’u Christ á tak kusa hi Christ-sa woi burâ ki burâ. Mi tinimi á tak Christ woi ata yina pet, d’igi his ma afufuîna mi b’rau woi ata yina pet na.

Isai 63:3

Ni an tu ba, ni miret guguzlud’a ata yi mat ma mireta. Sa aduk sum mana sa mi nga ki sed’en ndi. Kayam ndata, kur ayî mana, an mired’ezi kä, an ndjirebezi woi kur ayî man ma bibiliuna, buzuwazi mi yam ata baru mana, mi tub’ak ata baru mana pepet mi.

Sawal la giled’a 18:42

Azi nga tchiya, wani sama ndjunuzi nga d’i; azi nga yi Ma didina, wani nga mi humuzi d’i.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

Romê-na 16:20

Alo ma hei b’leng nga halasina mi ar go á miret Seitan kä ad’u asegiya. Ar Saleina Jesus mi vagi sumad’a.

Isai 25:10

Kayam Ma didina abom nga tinda yam ahina ndata, a mba miret suma Mowap-ma kä ata yazi d’igi sana mi miret asuna kä kur zul la a kat á tchuk siligitna kuad’a na.

Sawal la giled’a 144:1

Ni sawal la gile d’a David mi hlata. An subur Ma didina ahina manda, kayam mi han ad’enga á durâ, mi minin lovota á dur ayîna mi.

2 Sunda Hamuleinid’a 20:12

Salad’a Alo mamina, ang ka sariyad’a kazi d’uo zu? Kayam ami nga kad’enga avok azigar suma mimiyâk suma a djï atami durâ wana d’i, ami wami nga vama ami luma d’i. Wani ami tinimi irami ni kang angû.

Suma ka sariyad’a 15:8

Mi duruziya, mi tchazi heî. Bugola, mi i kak kur zul ahina d’a Etam-mba.