1 Wana ni sawal la gile d’a David mi hlata.
Ar vunan mi de woi yam giled’a hi Ma didinid’a, ar suma pet a suburum simiyêm ma bei tchod’a ba na teteu gak didin.
Ma didina, kur kak manda yam andagad’id’a pet, an min gileng ki sawala; Alo mana, ata yima an nga ki iran tua na, an mba ni gilengû.
An mba ni de woi yam d’ingêr manga ki sut manga burâ ki burâ, kayam an we nga ndum mata d’i.
Ni sawal la gile d’a David mi hlat mi hat mi ma ngolâ hi suma hle sawalina.
Hurun nga oîd’a ki furîd’a á gilengû, á suburung burâ ki burâ mi.
Ni sawal la David mi hlat ata yima mi mbut tam d’igi sama lilid’a na avok Abimele’â. Abimelek mi digim mbei avoromu, mi ge tam mi i mi.
Ata yi máma Moise azi ki Israel-lâ a hle sawal la wanda mi Ma didina, a dala: An mba ni hle sawala á gile Ma didina, kayam me mi tak ad’eng mam mba kal teglesa woi abua. Mi tchuk akulumeina ki suliyozina kä kur alum ma ngolâ.
Ang mbud’un wa tchi mana sanda, ang fogon wa dodor manda woyo, ang tchugun wa baru d’a vun tilâ atanu,
Ni kayam ndata ba, hurun oî ki furîd’a, tan nga lan djivid’a, tan tuk halas mi.
Ni sawal la David mi hlata. Ma didina, an nga ni gileng ki hurun pet, an nga ni gileng ki sawala avok malaikana.
