Sawal la giled’a 100:4 - Bible azumeina

⁴ Agi tchugugi avun agrek mama ki sawal la gile d’a suburid’a, agi kalagi kur gulumuna hi gong mambina ki subura! Agi gilegiziya! Agi suburum simiyêm mi.

Sawal la giled’a 100:4 Referans Kwoze

Hebre-na 13:15

Kayam ndata, ei lei mersi mAlona teteu d’igi vama ngat buzuna na ki simiyê Jesus, nala, ni gile d’a ei nga gilem simiyêm ki vuneid’a.

1 Sunda Hamuleinid’a 29:13

Ki tchetchemba, Alo mamina, ami nga gilengû, ami nga suburung simiyêng Ma kal teglesâ.

Sawal la giled’a 66:13

An mba ni i kur gong manga kahle suma ngat buzu suma ngala, an mba ni ndak vun vun ma hle ma an hlangzina.

Isai 35:10

Ni hina ba, suma Ma didina mi tchuguzi akulona a mba hulongîya, a mba mba kur Siyon ki sawal la bangâna avunaziya, a mba le furîd’a gak didin. A mba le hur ma hapma, a mba aî mi. Hur ma wurana ki zam tad’a a mba kal leyo.

Sawal la giled’a 96:2

Agi gilegi Ma didina, agi suburum simiyêmu, agi dagi woi yam sut mamba burâ ki burâ.

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

Sawal la giled’a 65:1

Ni sawal la gile d’a David mi hlat mi hat mi ma ngolâ hi suma hle sawalina.

Sawal la giled’a 95:2

Ei igi avorom á suburumu, ei gileizi ki furîd’a ki sawal la tetenga.

Sawal la giled’a 96:8

Agi suburugi simiyê Ma didina, agi mbeyegi ki he magi d’a hawad’a kur gulumuna hi gong mambina.

Sawal la giled’a 99:3

Ar azi gileng simiyêng ma ngol ma suma le mandarâ aboma. Gagazi, angî ma bei tchod’a ba na.

Sawal la giled’a 122:2

Ndak Jerusalem, ami mba tcholomi navun agrek ma’â.

Sawal la giled’a 122:4

Andjaf suma hi Ma didinina, nala, andjaf suma Israel-lâ, a nga tchol a mba ka hî kuruk á gile simiyê Ma didina d’igi gat ta a hazizid’a ti de na.