Sawal la giled’a 100:1 - Bible azumeina

¹ Wana ni sawal la gile d’a suburid’a. Agi suma yam andagad’ina pet, agi eregi ad’ugi akulo avok Ma didina ki furîd’a!

Sawal la giled’a 100:1 Referans Kwoze

Sawal la giled’a 98:4

Agi suma yam andagad’ina pet, agi sorogi ki furîd’a á suburugi Ma didina, agi hlagi sawal la furîd’a, agi suburugizi ki sawal la giled’a mi.

Wana ni Zla d’a Djivi d’a Luc mi b’irita 19:37

Kid’a mi mba go ki Jerusalem mi surop kä woi yam ahina d’a Olif-fid’a, ablau suma hata pet a nde le furîd’a, a gile Alona ki delezi akulo yam ahle suma ndandal suma azi wazina.

Sofoni 3:14

Ang azì ma ngol ma Siyon-na, ang le furîd’a! Agi Israel-lâ, agi eregi ad’ugi akulo ki hur ma hapma! Ang azì ma ngol ma Jerusalem-ma, ang le furîd’a kurung krovo!

Sawal la giled’a 32:11

Agi suma d’ingêrâ, agi lagi furîd’a yam Ma didina, agi lagi hur ma hapma; agi suma pet suma bei tchod’a kurugina, agi eregi ad’ugi akulo ki furîd’a.

Romê-na 15:10

Ti de kua ala: Agi andjaf suma dingâ, agi lagi furîd’a zlapa ki suma Alona mi manazina.

Sawal la giled’a 66:1

Ni sawal la gile d’a a hlat a hat mi ma ngolâ hi suma hle sawalina. Agi suma yam andagad’ina pet, agi suburugi Alona.

Gat ta a hat á mbàd’id’a 32:43

Ar andjaf suma pet a le furîd’a yam sum mama! Kayam Ma didina nga mi hlatchugula matna hazungeî mamina, nga mi hlatchugulum ki mam suma djangûna, nga mi mbut ambas mamba yed’et ki sum mama mi.

Sawal la giled’a 145:1

Ni sawal la gile d’a David mi hlata. Alo mana, amul mana, an mba ni hang ngola, an mba ni gileng simiyêng teteu gak didin.

Sawal la giled’a 47:1

Ni sawal la Kore groma a hlat a hat mi ma ngolâ hi suma hle sawalina.

Zakari 14:9

Ma didina mba mi ka’î amul ma yam andagad’a petna. Kur bur máma mba mi ar Ma didina ni mam tu go, simiyêm mba mi arî mam tu go mi.

Sawal la giled’a 67:4

Alo mamina, ar andjaf suma a suburungû, ar andjaf suma pet a suburungû.

Sawal la giled’a 66:4

Suma yam andagad’ina pet a grif kä, a gileng ki sawala, a gileng simiyêng mi. Tchol ndjö

Sawal la giled’a 47:5

Mi manei andaga d’a djivid’a, tei nga lei djivid’a kad’u, ei nandjafâ hi Jakob ma mam le kama. Tchol ndjö

Sawal la giled’a 68:32

Suma nglona a mba tcholï Ezipte a mba, suma Etiyopi-na a mba b’at tazi á mba geveng ang Alona á hang he d’a hawad’a.